डिकेन्द्र बस्नेत, झापा । हिजो बेलुका ६ बजेको समयमा विशेष सुचनाको आधारमा ईलाका प्रहरी कार्यालय दमकबाट खटिएको प्रहरी टोलीले प्रतिबन्धित लागुऔषध र अट्टो सहित ३ जनालाई पक्राउ गरेको छ।
जिल्ला झापा दमक नगरपालिका वडा नं. ७ हनुमान मन्दिर स्थित पशुहाटबाट बेलडागी जादैं गरेको को १ ह ९७४५ नं. को अट्टोलाई चेकजाँच गर्दा अट्टोको डिकिमा लुकाई छिपाई राखेको प्रतिबन्धित लागुऔषध ब्राउनसुगर ५१ ग्राम फेला परेकोले अट्टो चालक दमक नगरपालिका वडा नं. १ बस्ने बर्ष ३५ को प्रकाश श्रेष्ठ र अट्टोमा सवार बर्ष २३ को अर्जुन लिम्बु र निजकै श्रीमती वर्ष २७ की मनिसा लिम्बू समेतलाई अट्टो सहित नियन्त्रणमा लिएको छ ।
पक्राउ परेका ईलाका प्रहरी कार्यालयमा राखी थप अनुसन्धान कार्य भइरहेको प्रहरीले जनाएको छ ।
