डिकेन्द्र बस्नेत,झापा। युवा ब्यवसायी विन्दु सिटौला(लक्की)ले दमक १को वडा कार्यालय र सोही वडाका जनप्रतिनिधिको विरुद्धमा पत्रकार सम्मेलन गरि चरित्र हत्या गर्ने कार्य प्रति दमक नगर पालिका १ न.वडा अध्यक्ष हरि प्रसाद न्यौपानेले गम्भीर ध्यानकर्षण भएको बताएका छन् ।
१ न.वडा कार्यालय दमकले आज वडा कार्यालय परिसरमा पत्रकार सम्मेलन गरी वडा अध्यक्ष न्यौपानेले ब्यवसायी सिटौलाले ब्यवसाय दर्ता गर्न सिफारिस माग गर्दा दिन नमानेको भन्ने भ्रामक भनाई प्रति गभ्भीर ध्यानकर्षण भएको बताएका हुन् ।
सिटौलाको १० कठ्ठा जग्गा साविका लखनपुर गाविस वडान.१ हालको कमल गापा वडा न.५ मा रहेको मालपोत कार्यालय दमकको २०७३ मंसिर १९ गतेको लिखत पारित तत्कालिन लखनपुर गाविस हालको कमल गाउपालिकाको घरवाटो सिफारिस, सम्पत्तिकर तिरेको रसिदको आधारमा दमक १ को क्षेत्रमा नपर्ने देखिएको हुदा ब्यवसायको सिफारिस दिन नसकेको वडाअध्यक्ष न्यौपानेले बताए । नापी कार्यालय दमकलाई यो जग्गा कहाँ पर्छ भनेर लिखित माग पछि नापी कार्यालयले मंसिर ११ गते यो जग्गा मधुमल्लाको ६ ङ मा पर्छ भनी लिखित पत्र पठाएको छ। यो दमक १ मा पर्दैन रतुवा खोला पारी कमलमा पर्छ म ढुक्क छु–वडाअध्यक्ष न्यौपानेले बताए ।
सिटौलाले इको नेपाल इन्फनइस्ट्रक्टर प्रालिको नाममा साविक मधुमल्ला ६(ङ)पर्ने कित्ता न. १६४ को जग्गा मालपोत कार्यालयको श्रेस्ता अभिलेखवाट २०७३ साल मंसिर १९ गतेको मिना राई र केशावती पुरीका नाममा कित्ता काँट भइ सिटौलाको नाममा कित्ता न.१६३ को दक्षिण तर्फ कित्ता न.१६४ कायम भई जग्गा १० कठ्ठा लिखत पारित भएको देखिएको वडा अध्यक्ष न्यौपाने सहितको वडा सदस्यहरु द्धारा जारी विज्ञप्तीमा उल्लेख छ।
सिटौलाले ब्यवसाय दर्ता गर्न सिफारिस माग गर्दा वडा अध्यक्ष न्यौपानेले सिफारिस नदिएको भन्दै गत मंसिर १३ गते पत्रकार सम्मेलन गरेकी थिइन । यस जग्गाको विषयमा बुझदा जग्गाधनी सिटौलाले दमक १ न. वडाअध्यक्ष न्यौपानेले शुरुमा बुझेर मात्र सिफारिस दिने बताए पनि पछिल्लो समय घटना क्रम बढ्दै गएपछि प्रतिसोध साधेर ब्यवसायको लागि सिफारिस नदिएको आरोप लगाउँदै आएकी थिइन् ।
गत जेठ ११ गते ख्रिष्ट कोष्ट मण्डलीको नाममा इको नेपाल इन्फाइस्ट्रक्टर सञ्चालन रोक्का दमक नगर प्रमुख राम थापा समक्ष निवेदन परेको र नगर प्रमुख थापाकै सक्रियतामा छलफल भएको तर निकास ननिस्कीएको हुदा सिफारिस दिन नसकेको प्रेस विज्ञप्तमा उल्लेख छ ।
