काठमाडौं। दुर्गा प्रसाईंको अभियानमा साथ दिन उपत्यका बाहिरबाट आएका महिलाहरूमाथि सामुहिक दुर्व्यवहार गर्ने व्यक्ति पूर्व माओवादी YCL सदस्य र हाल युवा संघको सचिवालय सदस्य विनोद राई भएको पुष्टि भएको छ ।
हिजाे राति सार्वजनिक भएको भिडिओ फुटेजमा देखिएका व्यक्ति विनोद राई भएको पुष्टि भएको हो। यस अघि प्रसाईँलाई कालोमोसो दल्ने समुह पनि विनोदकै रहेको बुझिएको छ।
भक्तपुरकाे स्थित लाेकन्थलीको इन्द्रसार पार्टी प्यालेसमा सुतिरहेका महिलाहरूमाथि राईको नेतृत्वमा गएको समूहले दुर्व्यवहार गरेको पुष्टि भएको छ । महिलाहरूलाई सुतिरहेको अर्धनग्न अवस्थाबाट उठाएर लखेटिएको भिडिओ सार्वजनिक भएसँगै युवा संघ चौतर्फी आलोचित बनिरहेको छ ।
यस्तो जघन्य अपराध गर्दा पनि र पर्याप्त प्रमाण बाहिरीको २४ घण्टा हुन लाग्दा समेत प्रहरीले विनोद र उनको समुहलाई नियन्त्रणमा लिएको छैन भने अलपत्र परेका ति महिलाहरुको अवस्था कस्तो छ भन्ने सम्म जानकारी छैन ।
यसरी महिलाहरुलाई राती लखेटेको भिडियो एमाले नेता महेश बस्नेत स्वयंले आफ्नो फेसबुकमा राखेर पुनः डिलिट गरेका थिए। यस्तो अमानवीय कुकृत्यको अहिले सर्वत्र आलोचना भइरहेको छ भने याे बिषयमा अहिले बस्नेत यसाे भन्छन् :
दुर्गा प्रसाँई जस्ता अपराधिक ब्यक्तिले सर्बसाधारण र महिलाहरुलाई कुनै दल र ब्यक्ति बिरुद्ध परिचालन गरी अमर्यादित ढङ्गले उचालेर काठमाणडौंमा खुल्ला दिसा पिसाब गराउने जस्ता हर्कत गराउँदा स्थानियले त्यस्तो नगर्न र आफ्नो क्षेत्रमा नबस्न गरिएको आग्रहलाई अन्यथा प्रचार गर्नु बेठिक छ । याद होस् ति ब्यक्तिहरुलाई प्रहरीको समन्वयमा युवा संघका साथिहरुले नै बास बस्ने ब्यबस्था गरेका हुन् । युवा संघ सधैं मर्यादित र मानबिय हिसाबले अगाडि लम्कन्छ । कसैले अन्यथा प्रचार गर्न खोजेर केही हुनेवाला छैन ।
