सो सङ्घर्ष समितिका संरक्षक अगस्त अधिकारीले आफूहरुको नारा बेचेर प्रसाईँले राजसंस्था ल्याउने आधार बनाउन लागेको भन्दै अक्रोश व्यक्त गरे ।आफूहरूले २२ महिनादेखि आन्दोलन गर्दै आएको मुद्दा उठाएर प्रसाईँले सङ्घर्षलाई डाइभर्ट गर्न लागेको आरोप लगाउँदै भने,“ठूलो त्याग गरेर सामान्ति राजतन्त्रफल्यौं पुनः त्यसैको पुन स्थापना गर्न पीडित जनतालाई भ्रमित पार्दै वितण्डा मच्चाउने उनको सपना पूरा हुनै सक्दैन ।”
सो सङ्घर्ष समिति सुदूरपश्चिम प्रदेश इन्चार्ज मणि प्रसाद चौलागाईले आफूहरुको र दूर्गा प्रसाईको आन्दोलनमा आकास–पातालको अन्तर रहेको धारणा राखे ।
चौलागाईले सरकारले वित्तीय माफियाहरूलाई कारबाही गर्न नसके आफूहरूले सडकबाट कारबाही गर्ने चेतावनी समेत दिए ।
कर्णाली प्रदेश संयोजक आशा सञ्जेलले लघुवित्तिय संस्थाहरुको अराजकता गाउँ गाउँ पुगेर उठिबास लगाउ नथालेकाले सरकारले छिटो भन्दा छिटो निकास दिन पर्ने धारणा राखिन् ।
समितिका विदेश विभाग प्रमुख गगनबहादुर विकले देशमा लघुवित्तहरुको ज्यादतीको कारण हजारौँ दिदी–बहिनीहरू विदेश गएर झन् दुःख पाइरहेकोले अब विदेशबाट पनि झिकाएर सङ्घर्ष गर्ने चेतावनी दिए ।
केन्द्रीय सचिव तथा वार्ता कमिटी संयोजक रमेश तामाङले नयाँ संघर्षका कार्यक्रम सार्वजनिक गर्दै फागुन १ गतेदेखि काठमाडौँ केन्द्रित अनिश्चितकालीन धर्ना तथा विरोध कार्यक्रम गर्ने बताए ।
संघर्षका कार्यक्रमहरुः
१) २०८० मंसिर ५ गते काठमाडौँ लगायत विभिन्न जिल्लाहरुमा विरोध प्रदर्शन ।
२) २०८० मंसिर १५गतेदेखि देशव्यापी रुपमा विरोध प्रदर्शन जारी राख्ने ।
३) २०८० मंसिर २६ गते राष्ट्र बैङ्क केन्द्रित आन्दोलन,प्रदेश सममेलन सहित सुदुर पश्चिमबाट सुरु गर्ने ।
४) २०८० पुस ३ गते कर्णाली प्रदेश ।
५)२०८० पुस ८गते लुम्बिनी प्रदेश ।
६)२०८० पुस १३गते गण्डकी प्रदेश ।
७)२०८० पुस १७गते बागमती प्रदेश ।
८)२०८० पुस २४गते मधेश प्रदेश ।
९)२०८० माघ ७गते कोशी प्रदेश ।
१०)२०८० माघ १६ र १७गते राष्ट्रिय सम्मेलन ।
११) २०८० फागुन १गतेदेखि काठमाडौँ केन्द्रित अनिश्चितकालीन धर्ना तथा विरोध कार्यक्रम ।
