दिक्तेल। आफ्नाे सांस्कृतिक लाई निरन्तरताकाे लागि भाेज भन्दै खाेटाङमा गाेरुकाटि सामुहिक भोज खान तथा खुवाउनमा संलग्न भएको भन्दै प्रहरीले चार जनालाई पक्राउ गरेको छ ।
सार्वजनिक स्थलमा गोरु काटेर खान र खुवाउन संलग्न भएको भन्दै खाेटाङ प्रहरीले दिक्तेल रुपाकोट मझुवागढी नगरपालिका–१२ जालपा घर भएका अन्दाजी ४५ वर्षीय तेजबहादुर तामाङ, २१ वर्षीय टिकमान तामाङ, ३५ वर्षीय गोपाल तामाङ र रावाबेँसी गाउँपालिका–६ हौंचुर घर भएका २७ वर्षीय बादल गुरुङलाई पक्राउ गरेकाे जनाएकाे छ।
जालपाको मसानेडाँडाकाे चौंरमा गोरु काटेर स्थानीयलाई भेला गरेर भोज खाए तथा खुवाएको अभियोगमा उक्त चार जनालाई मंगलबार अनुसन्धानका लागि नियन्त्रणमा लिइएको जिल्ला प्रहरी कार्यालय खोटाङका प्रवक्ता टिकाराज बरालले बताएका छन् ।
मङ्गोल नेसनल अर्गनाइजेसन पार्टी (एमएनओ)का कार्यकर्ताले ” मुलवासमंगाेलकाे सांस्कृतिक” लाई निरन्तरता दिने भन्दै असोज ८ गते गोरु काटेर भोज खुवाएका हुन् ।
गोरु काट्नमा सहयोग गरेकाे तथा गाेरु काटेको र भोज खाँदै गरेको भिडियो शेयर गर्ने कार्यमा संलग्न ब्यक्तिहरुकाे हुलियाकाे आधारमा उनीहरुलाई प्रहरीले आज पक्राउ गरेको हो ।
मङ्गोल नेसनल अर्गनाइजेसन पार्टीका टंकबहादुर मगरका अनुसार पार्टीबाट फुटेर गएको बिरलाल राई र जीवन मंगोल राई पक्षको मङ्गोल नेसनल अर्गनाइजेसन–डिजिजि समुहले गोरु काट्ने अगुवाई गरेका हुन् ।
भने आफ्ना कार्यकर्ताहरु पक्राउ परेपछि तत्काल बिना सर्त उनिहरुकाे रिहाइ गर्न एमएनओ-डिजिजि केन्द्रीय सभाले विज्ञप्ति समेत जारी गरिसकेकाे छ। देसै भर ७७ जिल्ला भरिनै यसैगरि गाेरर काटिने छ र सामुहिक भाेज लगाईने छ भनेर विभिन्न युटुब च्यानलहरु तथा सामाजिक सञ्जालहरुमा खुलेआम बाेलाे रहेकाे उक्त संगठन निर्वाचन आयाेगमा दर्ता छैन भने साे संगठन निर्वाचन आयाेगकाे नियम अनुसार खसआर्य रहित संगठन हाे भनिन्छ।
