हिमांशु राय, मोरङ । “शान्तिपुर्ण वातावरण आनन्दमय जीवन” भन्ने मुलनाराको साथ १ दिने लैंगिक हिंशा र मानसिक स्वास्थ्य समस्या समाधान विषायक गोष्ठी आज मोरङको लेटाङ नगरपालिका मा सम्पन्न भएको छ।
ब्रेड फर द वर्ल्ड जर्मनी को आर्थिक सहयोग तथा अन्तरधार्मिक शान्ति महासंघ नेपालको साझेदारीमा सामुदायिक विकाश मञ्चले उक्त गोष्ठी को आयोजना गरेको हो।
सिडिएफका अध्यक्ष राम चन्द्र बुढाथोकी को अध्यक्षतामा सम्पन्न कार्यक्रमको प्रमुख अतिथि अन्तरधार्मिक शान्ति महासंघका अध्यक्ष राम भक्त कुरुङ्वाङले गर्नुभएको थियो।
विभिन्न धार्मिक तथा गैर धार्मिक संघ संस्थाहरु बाट उपस्थित अतिथिहरुले लैंगिक हिंशा र मानसिक स्वास्थ्य हाम्रो जस्तो अल्पविकसित मुलुकमा दिनप्रतिदिन बढ्दो समस्याको रुपमा रहेकोले यस्लाई जनचेतना मार्फत सावधानीका साथ न्युनिकरणको लागि पहल गरिनुपर्ने र यस्को लागि दिगो र प्रभावकारी कार्ययोजनाको तर्जुमा गर्न आवाश्यक रहेको बताए।
नेपाल सरकार तथा सम्वन्धित सरोकारवाला निकार र सचेत नागरिकहरु समेतले पहलकदमी गर्न समेत अति आवाश्यक रहेको कुरा कार्यक्रममा उपस्थित वक्ताहरुले अैालाए।
कार्यक्रमका प्रमुख अतिथिले अब बोलेरमात्र केही नहुने तर ब्यावहारमा यस्लाई उतार्न हामी सबैको साझा दाईत्व र हामीमा कर्तव्यबोध हुन जरुरी रहेको आसयको विचार प्रकट गर्नुभयो।
हिन्दु, बौद्ध , किराँत, इसाई, ईस्लाम, स्वार्गिकमार्ग, युमा साम्योक लगायतका धर्मावलम्बीहरु बाट प्रतिनिधी मुलक उपस्थिति रहेको महत्त्वपूर्ण कार्यक्रम लाई संस्थाकी उपाध्यक्ष तथा कार्यक्रम संयोजनकर्ता कमला कोईराला ले अन्तर धार्मिक शान्ति महासंघको स्थापनाकालदेखिको संक्षिप्त परिचय राख्दै गोष्ठीमा आमान्त्रित अतिथिहरुलाई स्वागत सम्मान गर्नुभयो।
यसै गरि गोष्ठी संचालन गर्नुको उदेश्य संस्थाका कार्यलय प्रमुख नर बहादुर लिम्बुले प्रस्तुत गर्नुभए संगै गोष्ठी को विषयबस्तु माथी उपस्थित अतिथि हरु बाट आ आफ्ना विचारहरु प्रकट गरिए।
