धरान ।‘ जुनियर मिस्टर र मिस धरान २०८० सिजन ३ ’ को उपाधि याङ्घिम ह्याङ राई र रिंचिन तामाङलाई ड्रीम्स मोडलिङ एजेन्सीको आयोजनामा ‘ जुनियर मिस्टर र मिस धरान २०८० को तेस्रो सिजन ’ धरानको घोपा क्याम्प स्थित देसेरा हलमा सम्पन्न भएको छ।
शनिबार सम्पन्न कार्यक्रममा जर्ज प्यानलमा मिस नेपाल २०२० नम्रता श्रेष्ठ, मिस्टर नेपाल टप टेन फाइनलिस्ट तथा मिस्टर वर्ल्ड हेरिटेज नेपाल २०२३ का विजेता प्रवीण पाठक, अस्मिता ओली श्रेष्ठ, आयुष्मा बराल, प्रणय थापा रहेको ड्रिम्स मोडलिङ एजेन्सीका प्रमुख कार्यकारी अधिकृत सौरभमान भण्डारीले जानकारी दिएका छन ।
जुनियर मिस धरान २०८० सिजन ३ को विजेता रिंचिन तामाङ भएकि छिन । फर्स्ट रनर अपमा आंकाक्षा राई, सेकेन्ड रनर अपमा समना खनाल र आयोजक छनोटमा भने सुम्नी राई पर्न सफल भइन् । यस्तै जुनियर मिस्टरको विजेता याङ्घिम ह्याङ राईले अन्य प्रतिस्पर्धीलाई पछि पार्दै सिजन ३ को उपाधि हात पारेका छन ।
फर्स्ट रनर अप संगाङ राई र सेकेन्ड रनर अप मिहाङ राई भएका छन। जुनियर मिस्टर र मिस धरान २०८० को विजेताले २५ हजार, ३ लाख बराबरको बीमा साथै म्युजिक भिडियो साथै उपहार प्राप्त गरेका छन । दोस्रो विजयीले १५ हजार , २ लाखको बीमा साथै उपहार पाएका छन भने तेस्रो हुनेले १० हजार, १ लाखको बीमा साथै उपहारमा चित्त बुझाएका छन। उक्त इभेन्ट तृष्णा रेग्मीले होस्ट गरेकि थिइन।
