डिकेन्द्र बस्नेत ,झापा।
झापामा प्रहरी माथीनै बन्चरो प्रहार भएको छ ।
इलाका प्रहरी कार्यालय झिलझिले झापाका इन्चार्ज प्रहरी निरीक्षक युवराज कटुवालमाथि बञ्चरो प्रहार भएको जिल्ला प्रहरी कार्यालय झापाले जनाएको छ ।
शिवसताक्षी नगरपालिका वडा नं. ९ झरना खोलाको पुलनजिक मोटरसाइकलमा आएका तीन जनाले बञ्चरो प्रहार गरेको प्रहरीले जनाएको छ ।
आज साँझ ६ः५० बजेको समयमा केही व्यक्ति लागूऔषध ब्राउनसुगर सेवन गरिरहेका छन् भन्ने गोप्य सूचनाको आधारमा इलाका प्रहरी कार्यालयका झिलझिलेबाट प्रहरी निरीक्षक कटुवालको कमान्डमा सादा पोशाकमा खटिएका थीए ।
प्रहरी टोलीले ३ जना सवार मे ४ प २७५१ नं। को मोटरसाइकल लापरबाही हिसाबले चलाएकोले रोकेर किन यसरी चलाएको भनी सोधपुछ गरेको थियो ।
सो क्रममा मोटरसाइकल पछाडि सवार सोही ठाउँ बस्ने बर्ष ३६ का अशोक पोखरेलले अचानक लुकाएर ल्याएको हाते बञ्चरोले कटुवालको टाउकोमा प्रहार गरेका थिए ।
