सुनसरी । धरानमा ६ का वडा सदस्यहरु र पुर्व वडा अध्यक्षको मिलेमतोमा निर्दोष व्यक्तिलाई अपराधी फसाएको भन्दै न्यायका १५ दिनको अल्टीमेटम ।
जनता समाजवादी पार्टी , शिल्पी विशेष समिति प्रदेश न.१ ले लाखबहादुर बिसुङ्खे सार्कीको न्यायका लागि पत्रकार सम्मेलन सम्पन्न गरेको छ ।
धरान उपमहानगरपालिका वडा न.६ का सदस्य द्वय राजेन्द्र न्याैपाने तथा नारायण निराैला र पूर् वडाध्यक्ष बिश्वराज कार्कीले निर्दोष व्यक्तिलाइ २२ बर्ष पहिले हत्या आरोपमा फरार अभियुक्त सार्की कान्छा भन्ने लालबहादुर सार्कीलाई पक्राउ गर्ने बहानामा प्रहरी सहितको मिलेमतोमा निर्दोष व्यक्तिलाई अपराधी बनाइ २० बर्षका लागि जेलमा पठाएको भनी जनता समाजवादी पार्टी, शिल्पी विशेष समिति प्रदेश न.१ ले लाखबहादुर बिसुङ्खे सार्की निर्दोष रहेको भन्दै न्यायका लागि सहजीकरण गरिदिन वडा समितिलाई १५ दिने अल्टीमेटम पत्र बुझाइ पत्रकार सम्मेलन गरेको छ ।
हत्याकाण्डमा कहिकतै नाम नजोडीएका लाख बहादुर विसंखे सार्की कसरी २२ बर्षपछी हत्यारा भए सो समय देखि कहिले कहिकतै नगइ इमानदार रूपमा परिवार र समाजमा काम गर्दै आएका सोझासिदा लाखबहादुर अन्यायमा परेको भन्दै करिब २०० जनाभन्दा बढि वडावासी उपस्थित रहेकाे साे कार्यक्रममा वडाका राजनीति दलका प्रतिनिधि नागरिक समाजका अगुवा हरु सहितको उपस्थितिमा लाखबहादुर विसंखे सार्कीको न्यायका लागि तत्काल पहल गर्नुपर्ने भन्दै वडा समितिको कार्यलयमा सम्पन्न कार्यक्रममा सहभागी हरुले बताए थिए।
दुईजना वडा समिति सदस्य र पूर्व अध्यक्षसमेतको मिलेमतोमा सोझा गरिब निमुखालाई फसाएको भनी वडालेनै न्यायको पहलका लागि जिम्मेवार हुनुपर्ने भन्दै वडा समितिलाई लाख बहादुर विसंखे सार्कीलाई न्याय दिलाउन १५ दिने अल्टीमेटम पत्र बुझाए पछी शिल्पी/दलित विशेष समितिले वडा समितिको सभाहलमा पत्रकार सम्मेलनमा गरेको थियो ।
सो पत्रकार सम्मेलनमा वडा समितिका अध्यक्ष भुपेन्द्र भट्टराईले हाम्रा वडा सदस्यलाई प्रहरीले रोहवरमा सहि गर्नुभनी कागजातमा के लेखिएकाे छ साे नसुनाइ फरार अभियुक्त लालबहादुर सार्कीनै लाखबहादुर विसंखे सार्की हुन् भन्ने बनाएर झुक्याएको रहेछ्न प्रहरीले फसाएको हो म नै त्यहा उपस्थिति भएको भए मलाइ पनि फसाउने रहेछ्न् ।
लाख बहादुर विसंखे सार्की अपराधी हत्या काण्डमा मुछिएका हुन् भन्ने लाग्दै लाग्दैन धेरै पटक धेरै समय मेरो आफ्नै घरमा समेत काम गरेका छ्न् भने कहिँ कहिल्यै नराम्रो गरेको पाइएको छैन वडा समिति मार्फत लाख बहादुरको रिहाइको निम्ति हामी के कसरी हुन्छ लाग्ने प्रतिवद्धता ब्यक्त गरे । जसपाका केन्द्रीय सदस्यहरु दलमर्दन कामी,जेन्टल लावती,राष्ट्रिय जनमुक्ति पार्टीका केन्द्रीय उपमहासचिव विष्णु थाम्देनले पीडितलाई तत्काल न्याय नदिलाए जस्ताेसुकै संघर्षका कार्यक्रमहरु पनि अगाडि बढाउन बाध्य हुने चेतावनी दिएका छन् ।
सर्बोच्च अदालतको निर्णय अनुसार २०५८ कार्तिक २६ गते धरान – ६ मा लालबहादुर सार्की ( सार्की कान्छा) लगायतका ८ जनाको समूहले पृथ्वी सिं थापा र जसबहादुर राईको हत्या गरेका थिए । हत्यामा संग्लन मध्ये देशबहादुर कार्की सहित ६ जनालाई जेल चलान गरिएको र लालबहादुर सार्की सहित २ जना फरार भएका थिए ।
घटना घटेको २२ बर्ष पछि धरान ६ निवासी लाखबहादुर विसंखे सार्की(गाडू) नै लालबहादुर सार्की ( सार्की कान्छा) हो भनि पुलिसले जबर्जस्त वडा सदस्य २ जना र साविक पाँच कन्या २ का वडाध्यक्षले मिसिलमा सहि गर्न लगाई प्रमाणीकरण गरि २०८० असार १९ गते लाखबहादुर विसंखे सार्कीलाई झुम्का कारागार चलान गरेको छ ।
निर्दोष व्यक्तिलाई जबरजस्त, बिना प्रमाण लाखबहादुर विसंखे सार्की (गाडू)लाई लालबहादुर सार्की ( सार्की कान्छा) बनाई जेल चलान गर्नु नियतवश दलित माथि हिजो देखि जसले जे गरेपनि हुन्छ भन्ने दमन र अत्याचारकाे पराकाष्ठा हो । तत्काल लाख बहादुरले न्याय नपाए चरणवद्द आन्दोलन गर्ने चेतावनी पनि दिईएको छ ।
