काठमाडौं । चाँगुनारायण नगरपालिकामा जनप्रतिनिधिको एक वर्षे कार्यकालको प्रगति समीक्षा,आवधिक योजनाको मस्यौदा र नीति कार्यक्रम तथा बजेट निर्मणका लागि सुझाव संकलन कार्यक्रम सम्पन्न भएको छ । निर्वाचनपछिको एक वर्षको प्रगति समिक्षा, प्रथम पञ्चवर्षीय आवधिक योजनाको मस्यौदाको प्रस्तुतीकरण,आर्थिक वर्ष २०८०/०८१ को नीति कार्यक्रम तथा बजेट निर्मणका लागि सुझाव संकलन कार्यक्रम सम्पन्न भएको हो ।
नगर प्रमुख जीवन खत्रीले निर्वाचनपछको एक वर्षे कार्यकालमा चाँगुनारायणको विकास र संमृद्दिको मार्गचित्र बनाएर अघि बढेको बताए । सुखी नगरबासी र संमृद्द नगरपालिका निर्माण मुख्यत प्राथमिकता रहेको उनले बताए । आफू निर्वाचित भएपछि पहिलो काम नै मनोहरा कटान नियन्त्रणका लागि करिडोर निर्माणको सुरूवातबाट गरेको स्मरण गर्दै कटान निर्माणका लागि करिडोर निर्माण गरि यो समस्या पूर्ण रूपमा हल गर्ने बताए । चुस्त दुरूस्त सेवा प्रवाह, सुशासनमा जोड दिदै सडक, ढल, शुद्ध खानेपानी,स्वास्थ्य, शिक्षा, कृषि, पर्यटन र आयआर्जन बृद्धि मुख्यत प्राथमिकता राखेर अघि बढेको बताए ।
नगरपालिकाले एक वर्षको अवधिमा ५ वटा ऐन र १० वटा कार्यविधि निर्माण गरि कार्यन्वयनमा ल्याएको मेयर खत्रीले बताए । एक वर्षको अवधिमा ५/८ किलोमिटर सडक कालोपत्रे, ५।६ किलोमिटर सडक स्तरोन्नति र ५ वटा कल्भट निर्माण गरिएको उनले बताए । खानेपानी सहजताका लागि तीन स्थानमा डिप बोरिङ र तीनलाख लिटर क्षमताको ओभरहेड ट्यांकी निर्माण गरिएको पनि मेयर खत्रीले जानकारी दिए ।
नगरबासीका लागि स्वास्थ्य बिमा, कृषकको प्रोत्साहनका लागि पशु विमाको व्यवस्था मिलाएको,शिक्षामा गुणस्तरीय शिक्षाका लागि शिक्षण सहयाता कार्यक्रमको सुरूवात गरिएको, विधालय खाजा खर्च वृद्ध र नगरबासीलाई निस्शुल्क रगतको ब्यवस्था गरिएको मेयर खत्रीले बताए । सामुदायिक र संस्थागत विधालयका छात्राहरूलाई नि:शुल्क सेनिटरी प्याड वितरणा गरिएको नगर प्रमुख खत्रीले जानकारी दिए ।
आगामी वर्ष आझ उत्कृष्ट कार्यक्रम ल्याउने समेतउनले बताए । समुदायिक नगरको दिगो विकासका लागि ५ वर्षे प्रथम आवधिक योजना निर्माण भइसकेको र मध्यकालीन खर्च संरचना तयारी भइरहेको उनले जानकारी दिए । यी उपलब्धि जनप्रतिनिधि र कर्मचारीहरुको संयुक्त प्रयासबाट संभव भएको नगर प्रमुख खत्रीले बताए ।
नगर उपप्रमुख रमेश बुढाथोकीले एक वर्षको अवधिमा दवावविहिन ढंगले न्याय सम्पादन र प्रभावकारी अनुगमन गरेको बताए । मपदण्ड अनुरूप योजना सम्पन्न गराउन र गुणस्तरीय काम गराउन नगरपालिकाले प्रभावकारी भूमिका खेलेको बताए ।
प्रमुख प्रशासकीय अधिकृत चुरामणि पन्थीले कार्यक्रमका औचित्यमाथि प्रकाश पार्दै पालिकाको तर्फबाट धन्यवाद ज्ञापन गरेका थिए । सामाजिक विकास शाखा प्रमुख निला घिमिरेले एक वर्षको सम्पादित कार्यप्रगति प्रस्तुत गरेका थिइन । हिक्मत सिंह लेकालीले प्रथम पञ्चवर्षीय आवधिक योजनाको मस्यौदाको प्रस्तुतीकरण गरेका हुन ।
