अविन लिम्बु,झापा। दमकका पुराना स्थापित मोबाइल ब्यवसायी कृष्ण खनालमाथी प्रहरीका दुई जना इन्स्पेक्टरले बिना कारण कुटपिट गरेका छ्न ।
आज बिहान करिब ९ बजे इलाका प्रहरी कार्यलय दमकका ४/५ जना प्रहरी आएर खनाललाई प्रहरी कार्यलयमा इन्स्पेक्टर साबले बोलाउनु भएको छ तुरुन्तै जानुपर्यो भनी लगेका थिए । किन ? के का लागि मलाई केही थाहा भएन इन्स्पेक्टरहरु भएको ठाउँमा म गए एक जना गौतम सर मैले पहिलादेखिनै चिनेको थिए । अर्कासग मेरो चिनजान थिएन । त्यहाँ मलाई शिव खनाल नामको अर्का मान्छे ठानेका होलान भनेर म शिव खनाल नभएर कृष्ण खनाल हु भन्ने प्रमाण दिन म नागरिकता लिएर गए र हेर्नुस मेरो नागरिकता भनेर देखाउदा मेरो नागरिकता पनि नहेरी एक्कासी मलाई झापड र लात्तीले हिर्काए , खनालले भने ।
मेरो टाउको नै अररिरहेको छ , रिंगटा पनि चलिरहेको छ , मेरो पसलमा पनि कोही नभएको बेला सामान उठाएर पनि लगेका छ्न । उनलाई त्यसरी कुटपिट गर्ने प्रहरी इन्स्पेक्टर हुन देवानन्द मिश्र । मिश्र र गौतमले खनालको पसलबाट सबै सामान उठाएर ल्याउन आदेश समेत दिए ।
खनालको पसल प्रहरीलाई कार्यलय सगै जोडिएको जोडिएको घरको सटरमा रहेको छ । खनालले घटनापछि आफुमाथि कुटपिट र मानहानी समेत भएको भन्दै न्यायका लागि सार्वजनिक अपिल गरेका छ्न । पत्रकारहरु सग पीडित खनालले भने म माथी ठूलो अन्याय भएको छ । उनले मोबाइल ब्यवसायी संघ , बाणिज्य सग लगायत अधिकारबादी संघ सस्था र संचारकर्मीहरुसग न्यायका लागि पहल गरिदिन पनि माग गरेका छ्न ।
उनले भोलि कार्यलय खुलेपछि जिल्ला प्रशासन लगायत प्रहरीका उच्च तहमा समेत निवेदन दिएर कार्वाहीका लागि अघि बढ्ने बताएका छ्न । दमकमा प्रहरीको कार्यशैली र गतिविधि केही समय यता आलोच्य बन्दै गएको छ ।
