चितवन। ज्ञापनपत्रमा कोशी प्रदेशको नामाकरणको बिषय र चर्को ब्याजदरको बिषयहरु उल्लेख गरिएको जिल्ला अध्यक्ष जग बहादुर पुनले बताउनुभयो।
ज्ञापनपत्र:-
सम्माननीय प्रधानमन्त्री पुष्पकमल दाहाल (प्रचण्ड) ज्यू
नेपाल सरकार,
प्रधानमन्त्रीको कार्यालय,
सिंहदरबार, काठमाडौँ ।
मार्फत,
श्री प्रमुख जिल्ला अधिकारीज्यू,
जिल्ला प्रशासन कार्यालय, चितवन # ।
बिषय : ज्ञापन पत्र ।
महोदय ,
प्राप्त राष्ट्रिय उपलब्धीहरुको रक्षा गर्दै देशमा दिनप्रतिदिन संस्थागत हुँदै गएको सबै खाले बिभेद र ब्यथितिको अन्त्य गरी देशमा सुशासन–शान्ति र अमञ्चयन कायम गरी नेपाली जनतामा अमञ्चयन महशुस गराउन र मूलुकको दीर्घकालिन हितका लागि जिल्ला प्रशासन कार्यालय, चितवन मार्फत निम्न बुँदा उपर नेपाल सरकारको गम्भीर ध्यानाकर्षण गराउँदै राष्ट्रिय जनमुक्ति पार्टी, जिल्ला समिति, चितवन बाट यो ज्ञापन पत्र बुझाएका छौँ ।
१) नेपाली जनताको हाल सम्मको बलीदानीबाट प्राप्त उपलब्धीहरु विशेषतः संघीयता, गणतन्त्र, धर्म निरपेक्षता, समावेशिता लगायतका राष्ट्रिय उपलब्धीहरु बिरुद्धमा नियोजित प्रहार र खारेजी समेतका दुस्प्रयास भईरहेको विभिन्न खाले घटनाक्रम र गतिविधिबाट प्रष्ट भईरहेको छ ।
२) मूलुकमा दिनप्रतिदिन खस्कदो अर्थतन्त्र, भ्रष्टाचारका राष्ट्रिय अपराध, वित्तिय तरलता, चर्को र चक्रवर्ती ब्याजदर आदिका कारण व्यापार तथा व्यवसायिक क्षेत्र धाराशायी हुनुका साथै अनियन्त्रित महङ्गीले नेपाली जनताको जनजीवन दिन प्रतिदिन कष्टकर हुँदै गईरहेको छ ।
३) वैदेशिक हस्तक्षेप बढ्दो छ । यसले गर्दा नेपालको राष्ट्रिय अस्मितामाथि गम्भीर प्रहार भईरहेको छ । नेपाली राष्ट्रियता र सार्वभौमसत्तामाथि आँच पुगीरहेको छ ।
४) नेपाली जनताबाट पहिचानको सम्मानको माग भइरहेको प्रति सरकारको गम्भीर ध्यानकर्षण हुनु पर्नेमा थप उदासिनता कायम गरिदैछ । यसै सन्दर्भमा कोशी प्रदेश नामाकरण पश्चात् प्रदेश १ मा “पहिचान पक्षधरहरुको संघर्ष समिति”ले गरेको आन्दोलनका मागहरु अविलम्ब सम्बोधन गर्न र त्यस क्षेत्रका जनचाहाना र आवश्यकताको सम्बोधन गर्न सरकार गम्भीर हुनु पर्दछ ।
जनबलबाट प्राप्त उपलब्धीहरुको रक्षा गर्दै देशमा व्याप्त सबै खाले व्यथितिको अन्त्य गर्दै भ्रष्टाचारमुक्त नेपाल निर्माणका लागि उपरोक्त मागहरु यथाशिघ्र पुरा गर्न नेपाल सरकार समक्ष राष्ट्रिय जनमुक्ति पार्टी, जिल्ला समिति, चितवन जोडदार माग गर्दछ ।
मिति : २०८० बैशाख ५ गते ।
जग बहादुर पुन मगर
अध्यक्ष
