काठमाडौं । उपत्यका ब्यापि पुनरुत्थान (इस्टर) महोत्सव २०२३ काठमाडौंको भृकुटीमण्डपमा उपत्यकाका तीनै जिल्लाका करिब २०,००० जना ख्रीष्टका विश्वासीहरुको सहभागितामा एक वृहत तथा विसाल कार्यक्रम गरी प्रभु येशू ख्रीष्टको बौरी उठाईको खुशियालीमा परमेश्वरको महिमा गर्दै सम्पन्न भएको छ ।
उपत्यकाका तीनै जिल्ला, ललितपुर, काठमाडौं र भक्तपुरका विभिन्न स्थानबाट निश्किएको शान्तिपद यात्राले काठमाडौं इस्टरमय बानाइएको थियो जसमा हजारौंको संख्यामा ख्रीष्ट विश्वासीजनहरुले भजन, कोरसहरु गाउँदै प्रभु येशू ख्रीष्टको बौरीउठाईको घोषणा गर्दै परमेश्वरको महिमा गरेकाे उक्त कार्यक्रमका सचिव समेत रहेका पास्टर धनराज घिमिरेले बताएका छन् । उक्त र्यालीहरु काठमाडौंको भृकुटीमण्डपको खुला मैदानमा एक विशास जनसागारमा परिणत भएको थियो ।
कार्यक्रममा परमेश्वरको महिमा गर्दै आराधनामा मानिसहरु परमेश्वरमा मग्न हुनका साथै परमेश्वरलाई धन्यवाद दिइरहनुभएको थियो । उहाँले आफ्नो एक मात्र पुत्रलाई सारा मानिस जातिको पाप उठाई लानका लागि बलिदान हुनलाई दिनुभएको थियो र तेश्रो दिनमा पुनरुत्थान हुनुभई मृत्युलाई जीति अन्धकारको शक्तिलाई पराजय गर्नु भएको थियो ।
परमेश्वरको वचनबाट रेभ.हनोक तामाङले सबैलाई उत्साहित पारेका थिए भने क्वाईनाेनिय चर्च पाटनका बरिस्ट पाष्टर डा.मंगलमान महर्जन र पा.तेज रोक्काले इस्टरको शुभकामना मन्तब्य राखेका थिए । त्यसै गरी विभिन्न मण्डलीबाट जातजातिका गीत तथा नृत्यले सबैको ध्यान मग्न बनाइएको थियो । गाइएका गीत तथा नृत्यमा सहभागिहरु पनि हर्षित हुँदै आ–आफ्नौ स्थानमा नाच्दै परमेश्वरको महिमा गरेका थिए ।
उक्त अवसरमा कार्यक्रममा उपस्थित सयौंको संख्यामा मानिसहरुले रक्तदान गरेका थिए भने विभिन्न मण्डलीहरुबाट खानेपानी, स्ंवयम सेवक सेविका, फोहरमैला व्यवस्थापनका साथै आर्थिक भेटी दिएर कार्यक्रमलाई सफल बनाएका थिए। ।
उपत्यकाव्यापी पुनरुत्थान महोत्सव २०२३ ले नेपाली ख्रीष्टियनहरु विभाजित छैन र परमेश्वरको महिमाका लागि एकढिक्का छ भन्ने सन्देश दिएको कुरा विभिन्न मण्डलीका पाष्टर तथा अगुवाहरुले बताए । आयोजक समितिका सचिव पा.प्रेम महर्जनले कार्यक्रमलाई कुशलताका साथ सञ्चालन गरेका थिए भने अर्का सचिव पा.धनराज घिमिरेले कार्यक्रम सफल बनाउन विभिन्न भूमिका निभाउँदै सम्पूर्ण व्यक्तित्वहरुलाई ह्दय देखि नै धन्यवाद दिएका थिए।
