हरि जिज्ञासु । भुकम्पको कारण पीडामा रहेका टर्कीका नागरिककालागि होसन्ना चर्च जोरपाटीले नेपालबाट टर्कीमा राहात पठाएको छ । होसन्ना चर्च जोरपाटीले चर्चका विश्वासीहरुको पहिलो फल मार्फत टर्कीका भकुम्प पीडितहरुको लागि राहात पठाएको हो ।
विनाशकारी रुपमा टर्कीमा आएको शक्तिसाली भुकम्पको कारण हालसम्म करिब ४६ हजार बढिले ज्यान गुमाइसकेका छन् । भुकम्पको कारण पीडामा रहेका टर्कीका नागरिकहरुलाई राहत मिलोस् भन्ने उद्देश्यले शिरक, बल्याङकेट, जकेट, लगायत अन्य सामाग्री सहित १ लाख ५० हजार बढिको समान पठाएको होसन्ना चर्च नेपालका सदस्य रामकृष्ण मिजारले जानकारी दिनुभयो ।
नेपालमा पनि २०७२ सालमा आएको शक्तिसाली भुकम्पका कारण हजारौँले ज्यान गुमाएका थिए । नेपालीहरु भुकम्पको कारण पीडामा रहेको बेला विभिन्न देशहरुले नेपालमा राहात पठाएका थिए । टर्कीमा आएको विनाशकारी भुकम्पको कारण पीडामा रहेका टर्कीका नागरिकहरुलाई पनि हालसम्म विभिन्न देशबाट राहात पठाएका छन् ।
नेपाल सरकारको तर्फबाट पनि त्यहाँ राहात पठाइएको छ । भुकम्प पीडतहरुको लागि होसन्ना चर्च नेपालले पठाउन लागेको राहात सामाग्री, फ्रिडम फर अल नेपाल मार्फत टर्की पठाइनेछ ।
