निर्मला हत्या आरोपमा शंकास्पद थप एकजनाको रगतको नमूना संकलन

पुस २१ अघि पनि निर्मला पन्तको हत्यामा संलग्न आशंकमा प्रहरीले दुई जनाको नमुना संकलन गरेको थियो । त्यतिबेला रगतको नमुना दिनेहरु भारतीय नागरिक हुन् । संकलित नमुना परीक्षणका लागि काठमाडौँस्थित प्रहरीको विधि विज्ञान प्रयोगशालामा ल्याइएको छ ।

निर्मलाको हत्या भएको २५ दिनपछि पक्राउ गरिएका दिलिपसिंह विष्टको डीएनए भजाइनल स्वावसँग नमिलेपछि उनलाई रिहा गरिएको थियो । २०७५ भदौ २६ मा जिल्ला सरकारी वकिल कार्यालयले उनलाई संलग्नता पुष्टि गर्ने आधार नभएको र डीएनए म्याच नभएको भन्दै साधारण तारेखमा रिहा गर्ने निर्णय गरेको थियो ।

उपप्रधान एवं गृहमन्त्री रवि लामिछानेले पदभार ग्रहण गरेपछि निर्मला पन्तको हत्याबारे न्यायिक छानविन गर्ने पहिलो निर्णय गरेका थिए । पुस १५ मा गृहमन्त्रीको निर्देशनमा प्रहरी प्रधान कार्यालयले केन्द्रीय अनुसन्धान ब्यूरोकी डीआईजी दुर्गा सिंहको नेतृत्वमा अनुसन्धान समिति गठन गरेको थियो । समितिले अहिले कञ्चनपुरमा बसेर काम गरिरहेको छ ।