जगत मगर,कावासोती । पूर्वी नवलपरासीको दलदले बजारबाट डेढगाउँतर्फ जाँदै गरेको जिप राइकोट नजिक भीरबाट खस्दा मृत्यु हुनेको संख्या ४ पुगेको छ । १० जना घाइते भएका छन् ।
मृत्यु हुनेमा होमबहादुर राना, यामबहादुर ठाडा, मनसभा बराल र केशरी दराई रहेको छ । मृतक सबै घटनास्थलमै मृत्यु भएको जिल्ला प्रहरी कार्यालय नवलपुरका प्रमुख भुवनेश्वर तिवारीले बताए । उनका अनुसार उनीहरु सबै स्थानीय बौदीकाली र बुलिङटार गाउँपालिकाका बासिन्दा हुन ।
यस्तै गम्भीर घाईते हुनेमा चालक दुर्गाबहादुर बिर्कट्टा, फुल माया कुमाल, सुनिता रानाभाट, निस्चल रानाभाट, खेम चन्द्र दराई, सिजन दराई, सुना सुनार र उत्तम क्षेत्री रहेका छन भने, धनजित नेपाली र देवबहादुर नेपाली सामान्य घाइते भएका छन् । समान्य घाईतेहरुको स्थानिय स्वास्थ चौकीमा उपचार गरिरहेको छ भने गम्भीर घाईतेहरुलाई उपचारको लागि जिल्ला पठाईएको छ ।
दुर्गम पहाडी हुप्सेकोट गाउँपालिका वडा नम्बर – ५ कान्छीपानीमा ग ०४००१ च ०००६ नम्बरको जिप भीरबाट करिब डेढ सय मिटर तल खसेको थियो ।
