खाेटाङ। दस स्थानिय तह रहेकाे खाेटाङका गाउँ पालिका तथा नगरपालिकाहरुले करारका कर्मचारिहरुकाे करार म्याद नथप्ने भएका छन्। दिक्तेल रुपाकाेट मझुवागढी नगरपालिकाले पनि साेहि निर्णय सँगै अन्य स्थानिय तहबाट काजमा आयर कार्यरत करमचारिकाे काज समेत फिर्ता गरेकाे छ भने आन्तरिक कर्मचारिहरुमा पनि व्यापक फेरबदल हुने संकेत देखिएकाे छ।
यसतै , खोटेहाङ गाउँपालिकाको गत साेमबार सम्पन्न कार्यपालिका बैठकले डोर हाजिरीमा कार्यरत कर्मचारी र कृषि तथा पशु विकास प्राविधिकहरुको करार सम्झौता नथप्ने निर्णयसँगै विभिन्न क्रिया-प्रतिक्रियाहरु उत्पन्न भएका छन् ।
डोर हाजिरीमा कार्यरत कार्यालय सहायक तथा प्रशासन सहायकहरुको हकमा महालेखा परिक्षकले पनि औंला उठाउँदै आएको थियो । र, त्यस्ता नियुक्तिहरु परीक्षा प्रणाली नअपनाई सिधै दिइएको थियो । अघिल्लो पटक गरिएको त्यो गलत कामलाई सच्याउने काम गरिको हो, कार्यपालिका सम्बद्ध एक सदस्यले बताएका छन्। 
केहीकृषि तथा पशु प्राविधिकहरुको नियुक्ति प्रक्रिया गलत तरिकाले गरिएको थियो । विगत गा.वि.स. हुँदा वडाहरुमा काम गरिरहेका OVOT (एक वडा एक प्राविधिक) हरु मध्येबाट परीक्षा नै नगरी केहीलाई फाल्ने र केहीलाई राख्ने काम गरिएको थियो । त्यो गलत निर्णयलाई सच्याउने काम गत साेमबारको बैठकबाट गरिएको छ, ती कार्यपालिका सदस्य बताउँछन् ।
अन्य कृषि तथा पशु प्राविधिकहरुको हकमा नयाँ गाउँ कार्यपालिका बनेपछि ३ महिनासम्म कार्य सम्पादन मूल्यांकनको आधारमा निर्णय गरिएको हो र अरु करारका कर्मचारीहरुको हकमा पनि तीन महिनासम्म करार अवधि थप गरिएको र कार्य सम्पादन मूल्यांकनको आधारमा करार अवधी थप गर्ने कि नगर्ने भन्ने विषयमा कार्यपालिकाले तीन महिनापछि निर्णय गरेेकाे छ। भने अन्य पालिकाहरुमा पनि यसैगरि कर्मचारिहरुकाे करार अवधि थप गरिएकाे छैन ।
