उमेश भुजेल-जेठ १३,खोटाङ्ग। खोटाङ्गको ऐसेलुखर्क गाउँपालिकाले कोरोना कहरकै बिच पनि एम्बुलेन्स खरिद गरेको छ । जिल्लाको माथिल्लो क्षेत्रमा एउटा मात्र एम्बुलेन्स हुँदा बिरामीलाई स्वास्थ्य संस्थामा पुर्याउन समस्या भएपछि गाउँपालिकाले एम्बुलेन्स खरिद गरेको हो । करिब दश लाख बराबरको लागतमा एम्बुलेन्स खरिद गरिएको गाउँपालिकाका उपाध्यक्ष पुस्पाकला भुजेलले बताइन।
सात वडा रहेको गाउँपालिकामा खोटाङ्ग सेवा समाजले हस्तान्त्ररण गरेको एउटा एम्बुलेन्स सञ्चालनमा रहेको भए पनि भनेको समयमा नचल्ने भएकाले यसको अन्य विकल्पमा गाउँपालिकामा यम्बुलेनस नरहेको उपाअध्यक्ष भुजेले बताइन ‘यसलाइ र कोरोना भाइरसको संक्रमणलाई मध्यनजर गर्दै खरिद गरेको उनको भनाइ छ । खरिद गरिएको एम्बुलेन्स काठमाडौमा रहेको र अवको केही दिन पश्चात गाउँपालिका ल्याइने र गाउँपालिकाको मातहतमा सञ्चालन हुने गाउँपालिकाले जनाएको छ ।
चालक राख्नका लागि जेष्ठ १६ गतेसम्मको सूचना प्रकाशन गरेको गाउँपालिका अध्यक्ष विश्वनाथ निरौलाले बताए उनले भने ‘सक्षम र इमान्दार चालक छनोट गर्ने हाम्रो योजना छ ।’ गाउँपालिकाभित्रका कोरोनाका विरामी र प्रसुतीका विरामीहरुलाई सत प्रतिशत छुट दिइने र अन्य किसीमका विरामीलाई पक्कि बाटोमा प्रति किलोमिटर ४० रुपौँया र कच्चिबाटोमा प्रति किलो मिटर ६० रुपौंयाका गाउँकार्यपालिकाको बैठकले निर्धारणन गरेको अध्यक्ष निरौलाको भनाइ छ ।
आर्थिक वर्ष ०७६/०७७ मा स्वास्थ्य तथा जनसंख्या मन्त्रालयले देशभरका स्थानीय तहमा एम्बुलेन्स सेवालाई अनिवार्य बनाएको छ । मन्त्रालयको निर्देशन अनुसार हरेक स्थानीय तहमा एम्बुलेन्स सेवा अनिवार्य हुनु पर्दछ । मन्त्रालयको एम्बुलेन्स शाखाका अनुसार महानगरपालिका र उपमहानगरपालिकामा ४/४ वटा, नगरपालिकामा ३ र गाउँपालिकामा २ वटा एम्बुलेन्स अनिवार्य हुनुपर्ने प्रावधान रहेको छ । तर खोटाङ्गका यस नियम अनुसार कुनै पनि स्थानीय तहमा एम्बुलेनस नरहेको पाइएको छ ।
जिल्लामा एक दर्जन एम्बूलेन्समध्ये ८ वटा एम्बूलेन्स मात्र चालु अवस्थामा रहेका छन् । दिक्तेल रुपाकोट मझुवागढी नगरपालिकाभित्र २ वटा र २०७३ सालमा खोटाङ सेवा समाज यूकेले ऐसेलुखर्क, दिप्रङ्गचुईचुम्मा, खोटेहाङ, केपिलासगढी, जन्तेढुंगा गाउँपालिकामा १/१ वटा एम्बुलेन्स चालु अवस्थामा रहेको जिल्ल स्वास्थ्य कार्यालय खोटाङ्गका जनस्वाथ्य अधिकृत आनन्द लामीछानेले बताए । यस्तै जिल्लको रावाबेसी गाउँपालिका भने हौचुरका स्वदेश तथा बिदेशमा रहेका युवा र रावाबेँसी गाउँपालिकाको संयुक्त लगानीमा खरिद गरिएको १ वटा एम्बूलेन्स चालु अवस्थामा रहेको स्वास्थ्य कार्यालय खोटाङ्गले जनाएको । अन्य एम्बुलेन्स भने जिल्लामा हालु अवस्थामा नरहेको पाइएको बताइएको छ ।
