खोटाङ। खोटाङमा मोटरसाइकलले ठक्कर दिंदा राप्रपाको निवर्तमान जिल्ला अध्यक्ष जीवनकुमार श्रेष्ठ गम्भीर घाईते भएका छन्।आज दिउँसो १:३० वजे दिक्तेल रुपाकोट मझुवागढी नगरपालिका–१ दिक्तेलबजारको शपिङ कम्प्लेक्स अगाडीको सडक छेउमा प्रदेश १–०५–००१ प ६८३७ नम्बरको मोटरसाइकलले ठक्कर दिंदा ५६ वर्षीय श्रेष्ठ गम्भीर घाईते भएका हुन्।
रत्नपार्क जिरोप्वइन्टबाट बजारतर्फ जाँदै गरेको उक्त मोटरसाइकलले ठक्कर दिंदा श्रेष्ठ गम्भीर घाईते भएको जिल्ला प्रहरी कार्यालय खोटाङका प्रमुख प्रहरी नायब उपरीक्षक उमेश लम्सालले जानकारी दिए। प्रहरी नायब उपरीक्षक लम्सालका अनुसार श्रेष्ठको टाउको र छातीमा चोट देखिएको छ।
स्थानीयवासीका अनुसार पछाडीबाट मोटरसाइकलले ठक्कर दिएपछि श्रेष्ठ त्यही ढलान सडकमा ढलेका थिए। श्रेष्ठ भर्खरै सम्पन्न स्थानीय तह सदस्य निर्वाचनमा राप्रपाबाट दिक्तेल रुपाकोट मझुवागढी नगरपालिकाको मेयरमा उमेदवार थिए । उनले मेयरमा ४०५ मत पाएका थिए। उनी हाँकाहाँकी बोल्ने र भ्रष्टाचार विरोधी नेताका रुपमा चिनिन्छन्।
श्रेष्ठसँगै सोही मोटरसाइकलमा सवार लफ्याङका ४८ वर्षीया विष्णुकुमारी राई पनि मध्यम घाईते भएका छन्। दुबैजनालाई माटिकोरे खेलमैदानबाट हेलिकोप्टरमार्फत काठमाण्डौको बाँसवारीस्थित न्युरो अस्पतालमा उपचारमा लगिएको छ।
अहिले दुबैजनाको उपचार भईरहेको जनाईएको छ। मोटरसाइकल चालक लफ्याङका १७ वर्षीय अभिषेक राई र मोटरसाइकल प्रहरीले नियन्त्रणमा लिएको छ। उक्त दुर्घट्नामा घाइते विष्णुमाया चालक अभिषेकका आमा हुन्।
