काठमाडौं । जनता समाजवादी पार्टी नेपालले शिल्पी/दलितलाई अनिवार्य बनाउन मुख्यमन्त्री बनाउन राष्ट्रिय समितिले प्रदेश १ सरकारमा आन्दोलन गर्ने चेतावनी दिएको छ ।
प्रदेश १ ले अन्तरजातीय विवाह गर्ने जोडीलाई प्रोत्साहन र ब्यवस्थापन गर्न तीनलाख, ऐतिहासिक श्रमजीवि वर्ग, शिल्पी समूदायको परम्परागत शिल्पकला, सँस्कृतिको संरक्षण र प्रवर्द्धन गर्न, भू-स्वामित्व सहितको शिल्पी साँस्कृतिक संग्रहालय स्थापना गर्न सरकारसंग जोडदार माग गरेको छ ।
विहिवार प्रदेश १ का मुख्यमन्त्री माननीय राजेन्द्रकुमार राईलाई उनको कार्यकक्षमा भेटगरि सो कुराको माग गरिएको थियो । जसपाका केन्द्रिय सदस्य तथा शिल्पी विशेष प्रदेश राष्ट्रिय समितिका अध्यक्ष दलमर्दन कामीद्वारा हस्ताक्षरित ध्यानाकर्षण पनि गराएको थियो । प्रदेश १ मन्त्रीपरिषद शिल्पी/दलित समूदायको प्रतिशतका आधारमा बनाईनु पर्ने बताएका थिए ।
शिल्पी/दलित समूदायको १५ बुँदे मागहरुको चेतावनी दिदैं हाल कम्तिमा १ जना प्रतिनिधित्व गराईनु पर्ने, सर्वाधिकार सम्पन्न शिल्पीरदलित विकास समिति गठन गरिनु पर्ने,प्रदेश योजना आयोग लगायत सरकारद्वारा गरिने राजनीतिक नियुक्तिहरु समानुपातिक, समावेशी सिद्धान्तका आधारमा गरिनु पर्ने, अति विपन्न शिल्पीरदलित भूमिहिन, अव्यवस्थित बसोवासी तथा सुकुम्बासीहरुको गाँस,बास,कपास र रोजगारीको ब्यवस्था गरिनु पर्ने, शिल्प सम्बन्धि पेशा ब्यवसायलाई संरक्षण,प्रवर्द्धन, बजार ब्यवस्थापन तथा विशेष अनुदानको ब्यवस्था मिलाईनु पर्ने, शिल्पीरदलितका छोराछोरीहरुलाई छात्रवृत्ति सहित उच्च शिक्षासम्म निस्शुल्क शिक्षा प्रदान गरिनु पर्ने,स्वास्थ्य उपचारका लागि निशस्शुल्क स्वास्थ्य विमा गरिनु पर्ने,अन्तरजातीय विवाह गर्ने जोडीलाई प्रोत्साहन र ब्यवस्थापन गर्न तीनलाख रुपैयाँ प्रदान गरिनु पर्ने,वैदेशिक रोजगारमा जान चाहने शिल्पीरदलित युवाहरुलाई विना धितो ऋण उपलब्ध गराईनु पर्ने,छिन्ताङ काण्ड लगायत प्रदेश १ का विभिन्न स्थान र समयमा समाज रुपान्तरणका लागि प्राणको आहुती दिने शहिदको सम्मान र उनीहरुको परिवारको ब्यवस्थापन गरिनु पर्ने, तथा कथित दलित समूदायलाई ऐतिहासिक पहिचानका आधारमा शिल्पी पहिचान स्थापित गराईनु पर्ने लगायत मागहरु राखिएका छन् ।
ध्यानाकर्षण पत्र बुझ्दै मुख्यमन्त्री राईले यी विषयहरुलाई आफुले गम्भीर रुपमा लिएको र यी मागहरुमाथि छलफल गरि कार्य प्रारम्भ गर्ने बताएका छन् । ध्यानाकर्षण पत्र बुझाउन जनता समाजवादी पार्टीका केन्द्रीय सदस्य एवम् शिल्पी विशेष प्रदेश राष्ट्रिय समितिका अध्यक्ष दलमर्दन कामी,सोही समितिका प्रदेश १ अध्यक्ष नरेश विश्वकर्मा क्षितिज,सचिव शशीकुमार विश्वकर्मा लगायत नेता कार्यकर्ताहरुको उपस्थिति रहेको थियो ।
सोहि टोलीले प्रदेश १ का आर्थिक मामिला तथा योजना मन्त्री माननीय ईन्द्र आङ्वोलाई भेटगरि आगामी बजेट विनियोजन गर्दा दलितमैत्री बनाईनु पर्ने लगायत ९ बुँदे मागहरु राखेको थियो ।
