रावाबेसिमा किसान सूचीकरण सम्बन्धि वडा स्तरीय कृषि अभिमुखि तालिम सुरु

प्रेम श्रेष्ठ, खाेटाङ। खाेटाङकाे रावाबेसी गाउँ पालिकामा किसान सुचिकरण राष्ट्रीय कार्यक्रम अन्तर्गत रावा बेसी गाउँपालिकामा सहजकर्ताको छनोट सगै किसान सुचिकरण सम्बन्धी प्राविधिक कर्मचारी र किसान सुचिकरण सहजकर्ताहरुलाई बुधबार एक दिने पालिका स्तरीय अभिमुखीकरण कार्यक्रम सम्पन्न गरि वडा न ५ दुबेकोलमा आज किसान सूचीकरण सम्बन्धि वडा स्तरीय कृषि एकदिने गोष्ठी सहित आजबाट काम सुरु भएको छ गोष्ठीको सहजीकरण कृषि प्राविधिक उद्धब बास्तोलाले गर्नु भएको थियो ।                                                                                                                                                        भोलि वडा न. १ कुभिन्डेमा र १५ गते वडा न. ४ डुम्रेधारापानीमा सो गोष्ठी सन्चालन हुने भएको छ । किसान सूचीकरण कार्यक्रम तिनै तहबाट संचालन हुने कृषि विकासका कार्यक्रमलाई वैज्ञानिक, पारदर्सी र प्रभावग्राही बनाउन साथै अनुदानका कार्यक्रमहरुलाई व्यवस्थित, राष्ट्रिय तथ्यांक प्रणालीलाई बलियो बनाउन, कृषकको मनोबल उच्च बनाउदै कृषि विकासमा उत्प्रेरित गर्नको लागि यस बर्ष रावा बेसी गाउँ पालिका का वडा न. ५ दुबेकोल वडा न. ४ डुम्रेधारापानी र वडा न. १ कुभिन्डेमा संचालन हुनेछ । जसका लागि वडा नम्बर ५ मा २ जना , ४ मा ३ र १ नम्बरमा २ जना गरि जम्मा जम्मा ७ जना सहजकर्ता खटाइसकिएको छ ।