दलमर्दन कामी। धार्मिक आस्था अनुसार म पनि एक इसाइ हुनुको नाताले चर्च सम्बन्धि सवाल उठेपछी त्यस बिषयमा आफ्नो धारणा राख्ने अधिकार राख्दछु । इसाई धर्मशास्त्र बाइबलिय आधारमा स्वर्ग र पृथ्वीका मालीक पिता पुत्र पबित्र आत्मा त्रिएक परमेश्वर भनि ख्रिष्टयेशुलाइ सो ब्याक्तीले प्रभु मुक्ति दाता स्विकार नगरेसम्म चर्चमा जोकोहीले धार्मिक कुनै गतिविधि गर्न पाइन्न ।
तर सत्ता र शक्तिको दुरुपयोग गर्दै बिभेदकारि हत्याराका संरक्षक समेत कहलिएका नेकपा माओवादी केन्द्रका नेता अर्थमन्त्री जनार्दन शर्माले चर्चको उद्घाटन गरेको भन्ने समाचारले मलाई निकै झस्काएको छ।
इसाई आस्थामा (धर्मगुरुहरु)रेभरेन,बिसप, पाष्टर, एल्डर डिकन लगायतका अगुवाजन हुदाहुदै चर्चको पुलपिटमा अरु किन ?
पापकाे प्रायस्चित बिहिन ब्याक्तीलाई ससम्मान उभ्याएर उद्घाटन समेत गर्नु गराउनु गलत कार्यहो ।अर्को भासामा बोल्दा गुलामी सलामी मात्रै हो। प्रभुको भवनलाइ ब्यापारीको घर बनाउनु हो । यस्तो काम इसाईहरुले कसैले कहि नगर्दै बेस हुन्छ ।
राजनीति हस्तक्षेप, लोभलालच, दबाब वा प्रलोभनमा नपरी धार्मिक मठ मन्दिर,चर्च, गुम्बा,मज्जित लगायतका छेत्रमा आफन्त,पक्ष बिपक्ष वा कुनै बहानामा कसैलाई पनि उभ्याउनु त्यो आस्था माथिको अपमान हो । धार्मिक आस्थालाई ब्याक्ती स्वतन्त्रता हुन दिउ । राजनीति हस्तक्षेप र गुलामी प्रवृत्ति रोकौं ।
अर्थमन्त्री जनार्दन शर्मा जो आफैले सत्ता र शक्तिको दुरुपयोग गर्दै रुकुम सोतिमा भएको नवराज बिक हत्याहिंसाका अपराधीलाई बचाउन नानि देखिको बल लगाएर मुद्दालाई कम्जोर बनाएकाछ्न् । राजनितिक प्रभावले हत्याराले उन्मुक्ति पाउने र पीडितले न्याय नपाउने अबस्थामा छ्न् यस्तो ब्याक्ती लाई मुसिकोट नगरपालिकाको वडा नम्वर १ मुलखोलामा ‘मुसिकोट एजि चर्च’ भवनको शिलान्यास गराउनु गलत भएको छ ।
आर्थिक प्रलोभन वा राजनीति हस्तक्षेपमा नेपाल ख्रिटियन समाजका केन्द्रीय सचिव तथा मुसिकोट एजि चर्चका संस्थापक मुकुन्द शर्माले जान्ने कुरा हो । कर्णाली प्रदेश सरकारको सहयोगमा भवन निर्माणमा ३० लाख बजेट दिएको भन्ने सुनियो त्यो राम्रै हो यसो भन्दैमा एउटा अप्राचित ब्याक्तीलाई चर्चामा सम्मान गरेर पुलपिटमा बोल्नदिनु गलत हो ।
हुन त याे ख्रिष्टियन समुदायबाट प्रतिनिधित्व गरेकाे पार्टिहरुमा पनि फरकता भने छैन। ” तिमिहरु जे गर्छै, ख्रिष्टकाे नापँमा गर ” बाइबल धर्म शास्त्र अनुसार के सिकाउँ छ?के चर्च उद्घाटन गराउँदा वा जुनसुकै काम थालनिकाे लागि प्रार्थनाबाट सुरुवात गरिन्छ तर यहाँ पाष्टरहरु आफैले पानसमा बत्तिबालेर कार्यक्रम सुरु गरेकाे उदाहरण छ भने अरुकाे कुरै भएन। गाेरु हुँदा हुँदै बाेकाले दाइँ गरेकाे उखान यहाँ मिल्न आकाे बुझ्न सकिन्छ।
