रुकुम पश्चिम । जिल्लाको मुसिकोटमा एक चर्च भवनको शिलान्यास भएको छ । सोमबार अर्थमन्त्री जनार्दन जनार्दन शर्माले मुसिकोट नगरपालिकाको वडा नम्वर १ मुलखोलामा ‘मुसिकोट एजि चर्च’ भवनको शिलान्यास गर्नुभएको हो ।
नेपाल ख्रिटियन समाजका केन्द्रीय सचिव तथा मुसिकोट एजि चर्चका संस्थापक मुकुन्द शर्माले कर्णाली प्रदेश सरकारको सहयोगमा भवन निर्माण सुरु गरिएको बताए । हाललाई प्रदेश सरकारले ३० लाख बजेट उक्त भवन निर्माणका लागि बिनियोजन गरेको शर्माले जानकारी दिए ।
निर्माण सुरु गरिएको चर्च भवनको लागत अनुमान तीन करोड रहेको छ । बाँकि बजेटको लागि अर्थमन्त्री शर्माले अन्य मन्त्रालयमा पहल गरिदिने वचन दिनुभएको शर्माले जानकारी दिए । एजि चर्चका सस्थापक शर्माले आवश्यक बजेट व्यवस्थापनको लागि पर्यटन तथा संस्कृति मन्त्रालयमा आफुले पनि अनुरोध गरिरहेको जनाए । मुसिकोट नगरपालिका मार्फत कार्यान्वयन हुने उक्त भवन निर्माणको जिम्मा भने उपभोक्ता समितिलाई दिईएको छ ।
निर्माण समितिका अध्यक्ष भिमबहादुर बोहराले मंगलबार देखि भवन निर्माणको काम तिब्र पारिएको बताए । यस पटकको बजेटबाट भवनको लागि टाईबिम र पिपरहरु बैशाख मसान्त भित्र निर्माण हुने र थप बजेट व्यवस्थापन भएमा अन्य काम हुने उनले जानकारी दिए । उनका अनुसार तीन तले चर्च भवन निर्माण कार्य थालिएको हो ।
