कृष्ण कुबर-अबुधाबी यू.ए.ई. समाचारदाता चितवन भण्डारा स्थायी ठेगाना भएका हाल काठमाण्डौ बौद्धमा अस्थाई रुपमा बसोबास गर्ने बिबेक तिमल्सिना बिरुद्द नेपाली दुताबास यू.ए.ई. मा उजुरी परेको छ । तिमल्सिनाले नेपालबाट सरकारी नियम बिपरीत बिभिन्न ब्यक्तिहरु सँग लाखौं रकम असुल गरी भिजिट भिसामा दुबई पठाउने र रोजगारमा नलगाई अलपत्र पार्ने गरेको गुनासो पीड़ित हरुले जनाएका छन्। आफुहरुलाई एजेन्ट विबेक तिमिल्सिनाले यूएईमा राम्रो तलब सुबिधामा काममा लगाउने बिश्वास दिलाएर नेपालबाट सेटिंग मार्फ़त पठाए पनि यू.ए.ई. आईसकेपछि लामो समयसम्म काममा लगाउन नसकेको र आफुहरुलाई खान र बस्नको सुबिधा पनि नदिएर अलपत्र स्थितिमा छोडेपछि यू.ए.ई. स्थित नेपाल एम्बेसीको शरणमा पुगी विबेक बिरुद्ध आफूहरुलाई काममा नलगाएको, खान बस्नको राम्रो सुबिधा नदिएको, बीस जनालाई चार महिना सम्म एउटै कोठामा राखेको, बिरामी हुँदा वास्ता नगरेको, फोन गर्दा- म्यासेज गर्दा धम्क्याएको भनि उजुरी दिएका छन् ।
नेपाल एम्बेसी, एन.आर.एन, नेपाली समाज मार्फत केहि राहत सामग्री प्राप्त गरेर केहि समय जेनतेन बस्ने बाताबरण सृजना भएको र अहिले कोहि पीडित नेपाल फर्किएको त कोहिले आफैले काम खोजी धेरै रकम तिरेर जागिरमा लागेको गुनासो पनि ब्यक्त गरेका छन। बिबेक तिमल्सिनालाई नुवाकोटका अजय तामाङ र नुवाकोटकै सुमन तामाङले पाँच लाख सत्तरि हजार रुपियाँ बुझाएको बताए, बिबेक तिमल्सिनाले उनिहरुबाट चार लाख तीस हजार लिएको स्विकार् गरेको छ।नागढूंङ्गा पोखराका कृष्ण दमाई बाट दुईलाख पचास हजार, काठमण्डौ जोरपाटीका कृष्ण खवास सङ्ग दुई लाख पचास हजार, चितवन टांडी बकुलाहार चौकका बिरेन्द्र शर्मा सङ्ग दुई लाख चालीस हजार, घर कैलाली हाल काठमाण्डौ बसोबास गर्ने बिकाश शाही ठकुरी सङ्ग दुई लाख पचास हजार रुपियाँ लिएको तर यूएईमा पुगेपछि आफुहरुले हदै सम्म दु:ख पाएको पीड़ितहरुले बताए।
पीड़ितहरुको भनाई अनुसार विबेक तिमिल्सिनाले आफ्नै भाई र ज्वाइँलाई समेत काममा लगाउन नसकी नेपाल फर्कन बाध्य पारेको बताए। पीडित ब्यक्तिहरुको आग्रह अनुसार बिबेक सँग यस बिषयमा सोधपूछ गर्दा पत्रकारलाई धम्क्याउने र पीडितहरुले सम्पर्क गर्दा पीडित हरुलाई अझ पिंडा दिने काम गरिरहेको छ। बिबेक तिमिल्सिना मार्फत यू.ए.ई. आएका कसैलाई पनि बिबेकले काममा लगाउन नसकेको र अलपत्र स्थितिमा छोडेर सम्पर्क बिहीन भएपछि पैसा कमाउने आशमा आएका उनीहरु निराश भै कोही नेपाल फर्कन बाध्य भएका थिएभने कोही नेपालबाट आफन्तसँग पैसा मगाएर दुबईमैं आफैले काम खोजेर थोरै तलबमा काम गर्न बाध्य भएका छन्।
आफूहरु संग लाखौं रकम असुली गरेर काममा लगाउन नसके पछि बिबेक सँग आफुले दिएको रकम फिर्ता माग्दा “जहाँ गएर जे गर्न सक्छस् गर , मेरो न्यूज् ट्वान्टिफोरमा मान्छे छ, रबी लामिछाने मेरो आफ्नै मान्छे हो भन्दै मानसिक तनाब दिने गरेका छन् ।पीड़ित पक्षको गुनासो लिएर पत्रकारले सम्बन्धित बिषयमा पटक पटक सम्पर्क गरेर पीड़ितहरु संग छलफल गरेर माग सम्बोधन गर्न अनुरोध गर्दा पत्रकार लाईनै धम्की दिने र सकेको गर, र म साइबर क्राइममा मुद्धा हाल्छु सम्म भनेका छन्। नेपाल सरकारले तोकेको आधिकारिक शुल्क दश हजार बाहेक अरु एजेन्टलाई कुनै रकम दिनुनपर्ने प्राबधान भए पनि एजेन्टहरुले सरकारी नियम बिपरीत अबैध रुपमा बिभिन्न लोभ र प्रलोभन देखाई सेटिंग मार्फ़त यूएई पठाउने गरेका छन् । यस बिषयमा सरकारको गम्भीर ध्यानाकर्षण हुन आबश्यक छ र यस्ता गिरोहहरुलाई कानुनको दायरा भित्र ल्याई यथाशिघ्र कारबाही गर्नुपर्ने देखिन्छ।
