काठमाडौं। स्थानीय तहको निर्वाचनलाई लक्षित गर्दै फागुन २७ गतेदेखि नेपाली कांग्रेस भक्तपुरले चार वटै स्थानीय तहमा एक महिने अभियान सञ्चालन गर्ने भएको छ। पार्टीको केन्द्रीय कार्यसमिति बैठकले ७७ वटै जिल्लामा केन्द्रीय प्रतिनिधि खटाउने निर्णय गरेको थियाे । सोही निर्णय अनुसार भक्तपुरमा केन्द्रीय प्रतिनिधिको रुपमा केन्द्रीय सदस्य जितजंग बस्नेतलाई जिम्मेवारी दिएको छ। बस्नेतको नेतृत्वमा भक्तपुरको चार वटै स्थानीय तहमा चुनावी अभियान सञ्चालन हुनेछ।
भक्तपुर जिल्लाको चुनावी अभियानको जिम्मेवारी पाएका नेता जितजंग बस्नेत शुक्रबार नेपाली कांग्रेस भक्तपुरको बैठकमा सम्बोधन गर्दै पार्टीलाई एकताबद्ध गर्दै पार्टीभित्र कुनै समस्या छैन र कसैलाई काखा कसैलाई पाखा नलगाउने ,काम र सक्रियताको आधारमा जिम्मेवारी दिने बताएका छन्।
बस्नेतले अब निर्धक्कभई पार्टी संगठन विस्तार गर्न घरघरमा पुगेर कांग्रेसले गरेका कामको जानकारी गर्दै द्वैध चरित्रका कम्युनिष्टले गरेका क्रियाकलापको भण्डाफोर गर्दै अबको निर्वाचनमा कांग्रेसको विकल्प नभएको र देशको निकास विकास कांग्रेसबाट मात्र सम्भव भएको दाबी समेत गरेका छन्।
अब जनताले कांग्रेसलाई नै भरोसा गर्ने भएकोले, कांग्रेसका नेताकार्यकर्ता चुप लागेर बस्न नहुने र घर-घरमा कांग्रेस पुग्ने बेला आइसकेको बताए। बस्नेतले भने,‘चुनाव केन्द्रित कार्यक्रम जिल्लामा एक महिना चल्ने, जिल्लामा पार्टीको अवस्था र निर्वाचनको रणनीति तयार गर्न अभियान केन्द्रित हुनेछ।’
फागुन २९ गते भक्तपुर जिल्लाले दिनको १:००बजे अभियानको उद्घाटन पार्टी कार्यलयमा हुने भएको छ। पार्टी सभापति दु्र्लभ थापाले २९ वटै वडामा जिल्ला प्रतिनिधि खटाउँदै अभियानमार्फत निर्वाचनका सबै तयारी गरिने बताए। अब धनबाद र डनबादलाई ठेगान लगाउने र निर्वाचनमार्फत जनताले कम्युनिष्टकाे सबै गतिविधिलाई गतिलो जबाफ दिनेछन भन्दै अब कहीँकतै अलमल नगरी सबै तहका पार्टीका साथिहरू अभियानमा लाग्न निर्देशन दिए। file photo
