प्रेम श्रेष्ठ, खाेटाङ। खोटाङको रावा बेसी गा.पा.-२ स्थित रावा क्याम्पस खार्पाले १४ औँ बार्सिक उत्सव सम्पन्न गरेको। आज क्याम्पस संचालक समितिका अध्यक्ष तथा रावा बेसी गाउँपालिका अध्यक्ष लिलानाथ निरौला को सभापतित्वमा र क्याम्पस संरक्षक समितिका सम्योजक हरि पोखरेलको प्रमुख आतिथ्यमा सम्पन्न भएको हो ।
आज कृषि अर्गानिक खेती चुनौति विषयमा मा. वि. स्तरीय वक्तित्वकला प्रतियोगिता, पुरुष हन्डिफोर, महिला फुक्की बल लगायत विभिन्न कार्यक्रम गरि बार्षिक उत्सव सम्पन्न गरिएको हो । कार्यक्रममा क्याम्पसले छोरी पढाउने आमा र बुहारी पढाउने सासुलाई समेत सम्मान गरिएको थियो।
हलेसी तुवाचुङ्ग न.पा. १० का बुहारी पढाउने देवीमाया पुरी र रावा बेसी गा.पा.-२ खार्पाका छोरी पढाउने आमा विष्णु कुमारी श्रेष्ठ लाई नगद रु. १,५००/- (पन्ध्र- पन्ध्र सय) सहित सम्मान पत्रले सम्मान गरिएको क्याम्पस प्रमुख दिपक पोखरेलले बताए । कार्यक्रममा गा.पा. उपाध्यक्ष समला राई, कार्यपालिका सदस्य पुन्यकुमारी मगर, कार्यपालिका सद्स्य रिजन भुजेल, शिक्षा शाखा प्रमुख तिर्थराज दाहाल पालिकाका कर्मचारी, विभिन्न पार्टीका पाटी प्रतिनिधिहरु लगायत स्थानीयहरुको उपस्थिति रहेको थियो ।
