खेमराज पुरी,खोटाङ । दस स्थानिय निकाय भएकाे खाेटाङकाे पुरानाे बजार सहितकाे खोटाङको ऐसेलुखर्क गाउँपालिकामा दुई विद्यालयको आरसीसी भवन शिलान्यास गरिएको छ। ऐसेलुखर्क गाउँपालिका–३ ऐसेलुखर्कस्थित त्रिभुवन माबि र ऐसेलुखर्क गाउँपालिका–७ माक्पास्थित माक्पा माविमा दुई कोठे आरसीसी भवन शिलान्यास गरिएको छ।
रोटरी क्लव अफ द हिमालयन गोर्खाजको १५ लाख र गाउँपालिकाको १० लाख गरी २५/२५ लाखको लागतमा निर्माण गर्नेगरी बिहिबार आरसीसी भवन शिलान्यास गरिएको छ। त्रिभुवन माबिमा रोटरी क्लव अफ द हिमालयन गोर्खाजका अध्यक्ष सत्तबहादुर गुरुङ र गाउँपालिका अध्यक्ष बिश्वनाथ निरौलाले भवन शिलान्यास गरेका हुन्। दुई वटै भवन आगामी बैसाखसम्ममा सम्पन्न गर्ने समेत सम्झौता भएको छ । भवन निर्माणका लागि रोटरी क्लव अफ द हिमालयन गोर्खाजले चार /चार लाखको चेक समेत हस्तान्तरण गरेको छ।
यसैगरी , रोटरी क्लव अफ द हिमालयन गोर्खाजले त्रिभुवन मबिमा अपांगमैत्री पाँच कोठे शौचालय निर्माण गरिदिएको छ। २३ लाख ६९ हजार १२९ लागतमा अपांगमैत्री पाँच कोठे शौचालय निर्माण गरिदिएको हो।निर्माण भएको शौचालय रोटरी क्लव अफ द हिमालयन गोर्खाजका अध्यक्ष गुरुङले विद्यालय व्यवस्थापन समितिका अध्यक्ष टेकेन्द्र राजभण्डारीलाई हस्तान्तरण गरेका छन्। रोटरी क्लव अफ द हिमालयन गोर्खाजले १२ वर्ष माथिका छात्रालाई वितरण गर्नेगरी पुःन प्रयोग गर्न मिल्ने सेनीटरी प्याड समेत हस्तान्तरण गरेको कार्यक्रममा सम्बध श्रोतले बाताएको छ ।
