एमसीसी फिर्ता लैजान एमसीसी उपाध्यक्ष फतिमा सुमारलाई चौधरीको पत्र

काठमाडौ। नेकपा एकीकृतका लुम्बिनी प्रदेश अध्यक्ष एवं संघीय सांसद मेटमणि चौधरीले अमेरिकी सहयोग परियोजना एमसीसी सैन्य रणनीति भएको दाबी गर्दै फिर्ता लैजान अमेरिकालाई आग्रह गरेका छन् ।

एमसीसी उपाध्यक्ष फतिमा सुमारलाई सम्बोधन गर्दै सामाजिक सञ्जाल फेसबुकमा लेख्दै चौधरीले एमसीसीको ५० लाख डलर हरेक रात सडकमा सुत्न बाध्य भएका ५ लाख अमेरिकी जनताको सेवामा खर्च गर्न सुझाव दिएका छन् ।

एमसीसी इन्डोनेसियादेखि प्रशान्त महासागर प्रयोग गरेर चिनलाई घेर्न अमेरिकाले बनाएको योजना भन्दै यो स्वीकार्न नसकिने बताएका छन् ।

‘हामी कुनै पनि राष्ट्रको सैन्य रणनीतिमा संलग्न हुँदैनौं, सबैसँग पञ्चशीलको आधारमा समान व्यवहार गर्दछौं तर तिम्रो उपस्थितिले हामीलाई तिमीमा संलग्न हुन बाध्य बनाँउछ । यसैले तिम्रो उपस्थिति नेपालमा कुनै पनि हालतमा हुनु हुँदैन । किनकि हामी असंलग्न नीति मान्ने राष्ट्रका जनता हौं’ चौधरीले लेखका छन् ।

यस्तो छ सांसद मेटमणि चौधरीले लेखेको स्टाटस

श्री फतेमा सुमार
उपाध्यक्ष ,एमसिसि
बिषय – तिम्राे ५० लाख डलर हरेक रात सडकमा सुत्न बाध्य भएका ५ लाख अमेरिकि जनताहरूका सेवामा खर्च गर ।
तिम्राे देशभन्दा म १२ हजार ७ सय २५ कि.मि टाढा छु । तिम्राे देश बिश्वकै शक्तिशाली राष्ट्र हाे भनी म राम्ररि बुझेकाे छु । यसैले तिम्राे देशकाे हरेक नागरिक र अधिकारिहरूका मनाेबिज्ञान पनि समृद्ध हाेला भनी अपेक्षा गर्नु पनि स्वभाबिक नै मान्नु पर्दछ । यसैले मेराे र तिम्राे राष्ट्रका अधिकारिहरूका बिचमा एमसिसि परियाेजनामा २०७४ साल भदाै २९ गतेकाे दिन संझाैता भयाे । अनुदान हाे भनी हामि नेपाली खुशि भएपनि तिम्राे अधिकारिहरूले ठाँउठाँउमा दिएकाे अभिब्यक्तिले हामी झस्केकाे छाै । शँका गर्ने सुबिधा पाएका छाै । हामी नेपालिहरू तिम्राे ५० लाख डलरकाे बिषयमा साेझाे बुझाइ नै हाे तर तिम्राे अधिकारिहरूकाे रणनिति नै बेग्लै रहेछ । तिम्राे अधिकारिहरूका भनाइ अनुसार त – एमसिसि सैन्य रणनिति पाे रहेछ ! इन्डाेनेसिया देखि प्रशान्त महासागर प्रयाेग गरेर चिनलाई घेर्ने याेजना बनाएका रहेछाै र चिनलाई सताउनकाे लागि नेपालकाे भुमिलाई सबैभन्दा उपर्युक्त ठाउँ छानेकाे रहेछाै । हामी कुनै पनि राष्ट्रकाे सैन्य रणनितिमा संलग्न हुँदैनाै सबैसँग पञ्चशिलकाे अाधारमा समान व्यवहार गर्दछाै तर तिम्राे उपस्थितिले हामिलाई तिमिमा संलग्न हुन बाध्य बनाँउछ । यसैले तिम्राे उपस्थिति नेपालमा कुनै पनि हालतमा हुनु हुँदैन । किनकि हामी असंल्गना नीति मान्ने राष्ट्रका जनता हाे ।

फतेमा सुमार, तिमी देखिनमा कति सुन्दर छिउ ! तर तिम्राे देशकाे इतिहास कति खराब छ है! जहाँ जहाँ तिम्राे देशकाे प्रबेश हुन्छ – त्याे देशकाे अवस्था सुखद भएकाे एउटा देश नि भेटेकाे छैन । 1st World War र 2nd World War पनि तिम्राे शासकहरूका क्षणिक स्वार्थ- हतियार बेचेर धन कमाउने रणनितिकाे कारण युद्ध भएकाे कुरा धर्तिका कुनै पनि मानव जातिले भुलेका छैनाै । जुनसुकै नामबाट किन नहाेस – तिम्राे राष्ट्रकाे उपस्थितिले दुनियाँलाई खरानि, मानविय क्षति र सम्पत्तिकाे नाेकसानि बाहेक अरू केही पनि उपलब्धि छैन । यसैले हामिले तिम्राे सुन्दरतालाई पनि घृष्ण गर्न बाध्य छाै ।
तिम्राे देश बाहिराबाट हेर्दा जति समृद्ध देखिन्छ । नजिकबाट हेर्दा धेरै खराब र दयालाग्दाे देखिन्छ । प्रत्येक रात ५ लाख जनताहरू सडकमा कागज अाेढेर सुतिरहेका छन् । नेपालमा त्यस्ताे मान्छे एक जना नि छैन्न ।

नेपालकाे जनसंख्या भन्दा करिब दाेब्बर ५ कराेड ६० लाख जनताहरू गरिबिकाे रेखामुनि छन् । लाखाै अमेरिकिहरू दिनमा २ डलर मात्रै कमाई गर्दछन । यसबाट १ बाेतल पानी, ६ वटा अन्डा र १ वटा बर्गरमा बाँच्न बाध्य छन् । तिम्राे देशकाे उपचार पनि सार्है महँगाे छ । बालमृत्युदर निकै उच्च छ । सँसारकै हत्या हुने राष्ट्र हेर्ने हाे भने पनि अमेरिका अग्रणि स्थानमा छ । स्कुले बिद्यार्थीले चलाएकाे गाेलिबाट मृत्यु पनि प्रत्येक साल जस्तै भइरहन्छ । समाजमा अार्थिक बिभेद पनि निकै पराकिलाे छ । यसैले अमेरिकाभन्दा नेपालकाे अवस्था धेरै राम्राे छ । तिमिले नेपाल राष्ट्र र नेपालि जनताहरूका बिषयमा चिन्ता लिनु पर्दैन । बरू तिमी अाफनै देशमा फर्क, त्याे ५० लाख डलरले हरेक रात सडकमा सुत्ने अमेरिकि नागरिकहरूका उद्दारमा खर्च गर । महँगाे अाैषधिलाई सस्तोमा उपलब्ध गराउ । बालमृत्युदर घटाउनकाे लागि पाेषणयुक्त खाना सुत्केरीहरूलाई खुवाउ । कमसे कम तिम्राे जनताहरूलाई ६ लिटर पानी पिउने ब्यवस्था गर । पेटभरि खानाकाे ब्यवस्था गर । जनता मारेर नेपाललाई अनुदान चाहिएन । तिमिले नेपाल बसाइँ क्रममा पक्कै पनि देख्नु पर्ने हाे -“कुनै पनि नेपाली भाेकाे र तिर्खाएर बस्नु परेकाे छैन ।

फतिमा सुमार,
जाँदाजाँदै तिमिसँग केही जिज्ञासा पनि छ । तिमी पढेलेखिकि छिउ तर पनि नेपाली समाजकाे मनाेबिज्ञान बुझने किन प्रयास गरेछैनिउ ? हामिलाई चाहिन्न भन्दाभन्दै एमसिसि पास गर भन्दै किन नेताहरूका घरघरमा चहारिरहेकि छिऊ ? कहिलेकाँहि घुमाँउराे तरिकाले धम्क्याउछिउ पनि ! तिमिलाई थाहै रहेन्छ ! दुनियाकाे कुनै शक्तिसँग नडाराएका हामी नेपाली तिमिसँग डराउने त कुरै छैन । यसैले धम्काउने बन्द गर । यसैले हामिलाई तिम्राे अधिकारिहरूका नियतमा शँका लागिरहेकाे छ । पहिले पहिले त हामिलाई बुँदाहरू सुधार गरेर पास गराै भन्ने लागेकाे थियाे । तर अाजभाेलि तिम्राे ब्यवहारले सुधारकाे पनि कुनै संभावना देखिदैन । यसैले Go back Mcc.
उहि ।
मेटमणि चाैधरि
नेपाल
२०७८ फाल्गुण २