आकाश मगर,उदयपुर । उदयपुरको २८ बर्षिय युवकको सुमोको ठक्करबाट हिजो सिन्धुलिमा मृत्यु उदयपुरको त्रीयुगा नगरपालिका वडा न ७ कालिखोला पाखाटोलका कुमार भनिने मानबाहादुर खत्रीको अपरचित सुमोले ठक्कर दिदा मृत्यु भएको छ।
काठमाण्डौमा ग्रील उधोग सञ्चालन गर्दै गरेका २८ बर्षिय खत्री आफ्नो गाउँ फर्किदै थिए।सिन्धुलीको बजार कटेपछी उनी बा ९३ प ६७४० नम्बरको यामाहाको FZ बाईकमा दुर्घटना परेका थिए। काठमाण्डौबाट उदयपुर सङ्गै आएका विशाल बस्नेतका अनुसार दुई जनाले एउटै ग्रील उधोग सञ्चालन गर्दै आएकाछन र गाउमा केही कामले फर्कदा उनिहरु आ-आफ्नै बाईकमा फर्केका थिए।
सिन्धुली बजार देखि विशाल अघि बढेर खाना खान पर्खदा समेत खत्री नआए पछि फर्केर जादा दुर्घटना भएको अवस्थामा भेटिएको थियो।मोटरसाईकल सडकको छेउमा लडिरहेको र खत्री भने भिरको छेउमा उछिटिएका थिए। घाईते खत्रीलाई सिन्धुली जिल्ला अस्पतालमा उपचारको क्रममा आफुलाई सुमोले ठक्कर दिएको बताएका थिए तर सुमोको नम्बर भने थाहा छैन।
खत्री केही छिन बोले पनि सास फेर्न गार्हो भयो भन्दै उपचारको क्रममा उनको मृत्यु भएको हो, आज पोष्टमार्टम गर्ने र आफन्तले सिन्धुली जिल्ला प्रहरिकार्यलयमा जाहेरी दिएर लास बुझ्ने भएको छ । पछिल्लो समय सुमोको अत्याधिक गति र छिटो पुग्ने होडले दुर्घटना बढ्न थालेको हो ।ट्राफिक प्रहरी सङ्ग र होटलवालाहरु सेटिङ्गमा सुमो चालकहरुले टाईम कार्डको समेत ख्याल गरेको पाईदैन ।
गाडिवालाले होटेलमा यात्रु झारिदिने र होटलवालाले टाईमकार्डको सेटिङ्ग मिलाईदिने साथै होटलबाट ट्राफिक प्रहरिले हप्ता उठाउने प्रबृती, जसको कारण अत्याधिक गति र मादक पदार्थको सेवन समेत चालकले गर्दा सर्बसाधरण र निर्दोस पैदल यात्री र साना सवारी चालकले ज्यान गुमाउनु परेकोछ। खत्रीलाई ठक्कर दिने सुमो अझै अज्ञात र फरार छ ।
