खाेटाङ । खोटाङको बराहपोखरी गाउँपालिकामा भएको सामाजिक सुरक्षाभत्ता अनियमिततासम्बन्धी छानविन प्रतिवेदन सार्वजनिक गरिएको छ । पहिल्यै मृत्यु भइसकेका, हुँदै नभएका, बसाइँ सरेर अन्यत्र गइसकेका वृद्धवृद्धाको लगत कट्टा नगरी सामाजिक सुरक्षाभत्ता निकासा गर्ने काम भइरहेको भन्दै उजुरी परेपछि २०७६ कात्तिक पहिलो साता बसेको गाउँ कार्यपालिकाको बैठकले उपाध्यक्ष गोमादेवी मगरको संयोजकत्वमा छानविन समिति गठन गरेको थियो ।
गाउँपालिकाका ६ वटै वडाको सामाजिक सुरक्षाभत्ता दुरुपयोगका विषयमा अध्ययन गरेर ३५ दिनभित्र प्रतिवेदन पेश गर्ने जिम्मेवारी पाएको छानबिन समितिले व्यापक अनियमितता देखिएको प्रतिवेदन १७ मंसिर २०७६ मा गाउँपालिका समक्ष बुझाएको थियो । हालसम्म गुपचुप राखिएको सो प्रतिवेदन सार्वजनिक गर्नुपर्ने चौतर्फी दबाब सिर्जना भएपछि गाउँपालिकाले १०औँ गाउँसभामा सामाजिक सुरक्षाभत्ता अनियमिततासम्बन्धी छानविन प्रतिवेदन सार्वजनिक गरेको हो । उपाध्यक्ष मगरले बाचन गरेर सुनाएको प्रतिवेदनमा कुन वडामा, कति बजेट चुहावट भए भन्ने तथ्यांक भने खुलाइएको छैन ।
सामाजिक सुरक्षाभत्तामा भएको अनियमितता छानविनकालागि अख्तियारले कागजात मगाएपछि गाउँपालिकाले २७ फागुन २०७६ मा सोसम्बन्धी कागजात बुझाएको थियो । मृत्यु दर्ता, बसाइँसराइ लगायत सम्बन्धी तथ्यांकको काम चुस्तदुरुस्त नराखी बराहपोखरी गाउँपालिका-१ बराहपोखरीले ३३ जनाको नाममा निरन्तर सामाजिक सुरक्षा भत्ता निकासा गरिरहेको भन्दै छानबीनका लागि १ कात्तिक २०७६ मा गाउँपालिकामा उजुरी परेको थियो ।
५० जनाभन्दा बढिको हस्ताक्षर भएको उजुरीमा वडाका मृत्यु भइसकेका १९ वृद्धवृद्धा, मृत्यु भइसकेका ६ विधुवा र बसाई सरिसकेका ३ जनाको नाममा सामाजिक सुरक्षाभत्ता निकासा भइरहेको उल्लेख छ । यस्तै, ४ जनाको नाममा दोहोरो सुविधा देखिएको र एक जना हुँदै नभएको अपांगको नाममा पनि सामाजिक सुरक्षाभत्ता निकासा भइरहेको पाइएको स्थानीय बिदुर श्रेष्ठले बताए ।
बराहपोखरी गाउँपालिका-१ बराहपोखरीको सामाजिक सुरक्षाभत्ता अनियमिततासम्बन्धी उजुरी परे पनि गाउँपालिकाले सबै वडाको छानविन गर्न आदेश दिएको थियो । बिभिन्न शिर्षकमा पालिका तथा नगरपालिकाबाट बृद्ध , बृद्धाहरुलाई दिईने सुबिधाहरुमा खाेटाङकाे प्रायजसाे यकादुई स्थानिय निकाय सफा रहेपनि धेरै जसाेमा पारदर्सि नरहेकाे देखियकाे छ।
दिक्तेल रुपाकाेट मझुवागढी नगरपालिका १५ नम्मर वडामा पनि दर्जनबढी बृद्ध,बृद्धाहरुकाे भत्तामा उथलपुथल भएकाे पाईएकाे छ। भने कत्तिकाे त नागरिकताकाे प्रतिलिपि पेसगर्दै किर्ते गरेर भत्ता खुवायकाे पाईएकाे बताउछन् स्थानिय । बहुमतसहित नगरमै एमालेकाे हालिमुहालि भएकाे उक्त नगरपालिकामा पर्ने १५ नम्मर वडामा हुने सबैजसाे बिकास,बजेट वा जस्ताेसुकै निर्णय अन्यदलहरुकाे उपस्थितिबिनै रातारात निर्णयगरिने हुँदा अबिलम्ब छानबिनकाे लागि अख्तियार ताक्नाेपर्ने अवस्था रहेकाे बताउछन् स्थानिय।
