खोटाङ । नेकपा एमाले नाङलोमा पसल थापेको पार्टी पनि हैन र निर्वाचनकाे भाेट पानी ट्यांकिमा जम्मा गर्ने पार्टि नभएकाे एमालेका पोलिटव्युरो सदस्य, संसदीय दलका प्रमुख सचेतक एवं खोटाङ जिल्लाका संघीय सांसद विशाल भट्टराईले बताएका छन् । नेकपा एमालेको सातौँ खोटाङ जिल्ला अधिवेशन उद्घाटनसत्रमा प्रमुख अतिथिको रुपमा बोल्दै भट्टराईले यस्तो बताएका हुन्।
देशकै ठुलो र वैचारिक पार्टी नेकपा एमाले रहेको कारण केहि ब्यक्ति छुट्टिएर गएपनि एमाले सधै पहिलो पार्टी बनिरहने उनकाे भनाई छ । एमालेलाई हराउने उद्स्यले माधव नेपालले निर्माण गरेको पार्टी राजनितिक पार्टीनै नरहेको उनकाे टिप्पणी छ । यस्तै बिचार बिनाको एमालेको बिरुद्धमा मात्र लाग्न बनाईएको गठबन्धन धेरै नटिक्ने पनि उनको दावी छ ।
देशमा संघीयता ल्याउने योजना एमालेको रहेको र संघीयता आएपश्चात जनतालाई ठुलो राहत मिलेको पनि उनले बताए । केहि ब्यक्तिले सिंह आएको तर सिंहदरबार नआएको भनेर टिप्पणी गरेपनि स्थानीय सरकारले जनतालाई सरकारको महसुस गर्न दिएको उनकाे स्पष्टाेकति रहेकाे थियाे ।
यस्तै, देशमा भारतले नाकाबन्दी लगाउदा सम्म छिमिकि देश रिसाउछ भनेर बोल्न नसक्ने पार्टीहरुले देशको राष्ट्रियताको कुरा गर्न नसुहाउने पनि भट्टराईको भनाई छ । File photo
