मलाई एकपटक जिताइदिनुहोस् : देउवा

काठमाडौं । नेपाली काँग्रेसका सभापति शेरबहादुर देउवाले आफूलाई अब एक पटक पार्टी नेतृत्वमा विजयी बनाउन आग्रह गरेका छन् । पार्टीको १४औं महाधिवेशनको उदघाटनमा बोल्दै उनले आफूले जितेमा तल देखि माथिसम्म काँग्रेसको सरकार बनाइछाड्ने बताए ।

‘मलाई एकपटक जिताइदिनुहोस्, तलदेखि माथिसम्म काँग्रेसको सरकार बनाउँछु बनाउँछु बनाउँछु ,’ देउवाले भने । उनले काँग्रेस नेतृत्वको सरकार बचाउनका लागि पनि आफूले जित्नुपर्ने तर्क गरे ।

‘म प्रधानमन्त्री भएको भोलिपल्ट सारा मान्छेले मुक्ति पाएको जस्तो भयो । मुक्ति बचाउने हो कि होइन ? यो महाधिवेशनले तय गर्छ,’ देउवाले भने । उनले तानाशाह सरकार नआओस् भन्नका लागि पनि आफूले जित्नुपर्ने जिकिर गरे । आफूले जितेमा काँग्रेसलाई चुनाव जिताएर छाड्ने दाबी गरे । ‘मलाई एकपटक जिताउनुहोस्, आउँदो सरकार गाउँ देखि माथिसम्म काँग्रेसको हुन्छ, त्यो मेरो जिम्मा भयो ।’