विनोद मण्डल ,सिराहा । स्थानिय सरकारको मनमौजीको कारण देशनै यतिबेला संकटपूर्ण अवस्था बाट गुज्रिरहेको सर्वविदित छ । निहित स्वार्थका कारण स्थानिय सरकारको लापरवाही बाट दिक्क जनता सडकमा आफ्ना मागहरु राख्न विवस भएको छ ।
सिरहाको धनगढीमा ई नगरपालिकाको बजार क्षेत्रमा नेपाल भारत सहयोगमा निर्माण गरिएको प्राकृतिक अस्पतालको भवन यतिबेला ओझेलमा परेको छ । अस्पताल भवनमा एकातिर धनगढीमाई प्राविधिक शिक्षालय लेखिएको छ भने अर्कोतिर धनगढी माई ११ को वडा कार्यालय लेखिएको अस्पाताल भवनको माथिल्लो तल्लामा सुकुम्बासी आयोग संग सम्बन्धित अव्यवस्थित बसोवासको कार्यालय राख्नुको साथै बैठक हल पनी राखीएको छ ।
नगरपालिकाको अधिकांश गोष्ठी ,सेमिनार लगायतको कार्यक्रमको स्थल बनेको अस्पताल भवन संरक्षणको अभाव र जनप्रतिनिधिको लापरवाहीको कारणले यतिबेला ओझेलमा पर्नुको साथै अस्पताल समयमा सञ्चालन नहुँदा स्थानिय जनता उक्त भवनको बारेमा टिप्पणी गरिरहेका छन् ।
