जनकपुरधामका पूर्व मेयर राजदेव मिश्रको निधन

जनकपुरधाम, १५ कात्र्तिक । जनकपुरधाम उपमहानगरपालिकाका पूर्व मेयर राजदेव मिश्रको निधन भएको छ । सोमबार बिहान साढे ३ बजे मिश्रको ८५ वर्षको उमेरमा आफ्नै निवास जनकपुरधाम उपमहानगरपालिका वडा नम्वर ४ आनन्दनगरमा निधन भएको हो । तीन महिना अघि उनलाई हृदयघात भएको थियो ।

उनको पार्थिव शरीरलाई आजै जनकपुर स्थित अस्मसानघाटमा दिउँसो अन्येष्टि गरिने कार्यक्रम रहेको उनका छोरा घनश्याम मिश्रले जानकारी दिए । राजा ज्ञानेन्द्रको पालमा तत्कालीन जनकपुर नगरपालिकाको मेयरमा निर्वाचित भएका मिश्र पञ्चायतकालमामा प्रधानपञ्च समेत बनेका थिए । उनले झण्डै ६ महिना मेयरको कार्यभार सम्हालेका थिए । मिश्रका ४ छोरा र तीन छोरी छन् ।